Նախարարություն․ Այսուհետ Wildberries-ով վաճառքների համար կպահանջվի ծագման սերտիֆիկատ

11 մայիսի 2026 - 19:05 AMT

PanARMENIAN.Net - Այսուհետ Wildberries-ով վաճառքների համար կպահանջվի ծագման սերտիֆիկատ, հայտնել է Էկոնոմիկայի նախարարությունը՝ արձագանքելով գործարարների կողմից վերջին շրջանում բարձրաձայնվող հարցերին և մտահոգություններին:

Նախարարությունը խնդրում է նախապես սկսել անհրաժեշտ փաստաթղթերի հավաքագրումը, որպեսզի ներդրված համակարգի շրջանակում գործընթացը կազմակերպվի հնարավորինս սահուն, ճիշտ և առանց ուշացումների։

Ծագման սերտիֆիկատ ձեռք բերելու համար պետք է դիմել ՀՀ Առևտրաարդյունաբերական պալատ:

Անհրաժեշտ մյուս փաստաթղթերի ցանկը․

1.․ Հայաստանում (նաև ԵԱՏՄ-ում) արտադրված ապրանքների համար՝

Սերտիֆիկացման ենթակա ապրանքների դեպքում՝

— համապատասխանության սերտիֆիկատ,

— որակի հայտարարագիր։

Վերոնշյալ փաստաթղթերի ստացման համար կարող եք դիմել համապատասխան սերտիֆիկացման մարմիններին՝

Այլ ապրանքների դեպքում՝

— ծագման սերտիֆիկատ, որը ձեռք բերելու համար կարող եք դիմել ՀՀ Առևտրաարդյունաբերական պալատ։

— կամ ցանկացած այլ փաստաթուղթ, որը թույլ կտա հաստատել ապրանքի ծագումը, այդ թվում՝ հաշիվ-ապրանքագիր (invoice), լուսանկարներ, օգտագործման հրահանգ, ապրանքի նկարագրություն կամ այլ հիմնավորող փաստաթղթեր, որոնք կհաստատեն, որ ապրանքը արտադրվել է Հայաստանում կամ ԵԱՏՄ անդամ երկրներում։

2․ ԵԱՏՄ-ից դուրս արտադրված ապրանքների համար՝

— մաքսային հայտարարագիր։

Փաստաթղթերի հետ կապված հարցերի դեպքում կարելի է դիմել «Վայլդբերրիզի» տեխնիկական սպասարկման կենտրոն՝ վաճառողների պորտալի միջոցով կամ թողնել կոնտակտային հեռախոսահամար հետևյալ հղմամբ՝

Wildberries-ը հայտարարել է Հայաստանում արտադրված և մակնշված որոշ ապրանքների Հայաստանի սահմաններից դուրս վաճառքների փուլային վերականգնման մասին։