Վրաստանի պատրիարք է ընտրվել 57-ամյա միտրոպոլիտ Շիոն 11 մայիսի 2026 - 19:08 AMT PanARMENIAN.Net - Ամենայն Վրաստանի կաթողիկոս-պատրիարք է ընտրվել 57-ամյա միտրոպոլիտ Շիոն ։ Նրա թեկնածությունը մայիսի 11-ին ձայների մեծամասնությամբ հաստատվել է Վրաց ուղղափառ եկեղեցու Սուրբ Սինոդի ընդլայնված նիստում։ 2017 թվականին միտրոպոլիտ Շիոն նշանակվել էր պատրիարքական տեղապահ, և փաստացի դարձել էր Ամենայն Վրաստանի կաթողիկոս-պատրիարք Իլիա Երկրորդի պաշտոնական հետնորդը։ Իլիա Երկրորդի մահից հետո նա է կատարել եկեղեցու ղեկավարի պարտականությունները,: Վրաց ուղղափառ եկեղեցու ղեկավարի պաշտոնում պաշտոնական գահակալությունից հետո, որը նախատեսվում է մայիսի 12-ին, ակնկալվում է, որ նա կկրի Շիո Երրորդ անունը։ Վրաստանի նոր կաթողիկոս-պատրիարքը ծնվել է 1969 թվականի փետրվարի 1-ին Թբիլիսիում։ Նա սովորել է Թբիլիսիի պետական կոնսերվատորիայում՝ թավջութակի բաժնում, սակայն երրորդ կուրսից հետո որպես նորեկ մեկնել է Շիո-Մղվիմի տղամարդկանց վանք։ 1993 թվականի հունվարին նա ընդունել է վանական կարգ։ 2000-ականների սկզբին նա ծառայել է Մոսկվայի Սուրբ Գևորգ եկեղեցու վրացական համայնքում և աստվածաբանական կրթություն ստացել Ռուսաստանում։ 2003 թվականին ստացել է եպիսկոպոսի աստիճան և վերադարձել Վրաստան։ 2010 թվականին նրան շնորհվել է միտրոպոլիտի աստիճան։ Ամենայն Վրաստանի կաթողիկոս-պատրիարք Իլիա Երկրորդը մահացել է 2026 թվականի մարտի 17-ին՝ 93 տարեկան հասակում։ Նա պատրիարքի պաշտոնը զբաղեցրել է 1977 թվականից՝ ավելի քան 48 տարի, ինչը ամենաերկար ժամանակահատվածն է Վրաց ուղղափառ եկեղեցու պատմության մեջ։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
