  Մամեդով. Հունիսի 7-ից հետո ՀՀ-ում կփոխեն սահմանադրությունը և կանցկացնեն հանրաքվե 19 մայիսի 2026 - 12:33 AMT PanARMENIAN.Net - Հունիսի 7-ին Հայաստանում կայանալիք ընտրություններից հետո, երբ հանրաքվեի միջոցով «կփոխվի Սահմանադրությունը և կվերացվեն Ադրբեջանի նկատմամբ տարածքային պահանջները», կստորագրվի խաղաղության պայմանագիրը, հայտարարել է Անկարայում Ադրբեջանի դեսպան Ռաշադ Մամեդովը թուրքական հեղինակավոր «Cumhuriyet» թերթին տված հարցազրույցում: Դեսպանի խոսքով՝ Ադրբեջանն ու Թուրքիան վարում են փոխհամաձայնեցված քաղաքականություն, և Հայաստան-Թուրքիա ու Հայաստան-Ադրբեջան հարաբերությունների կարգավորման գործընթացներն ընթանում են զուգահեռաբար, գրում է Radar Armenia-ն: «Հայաստանի Սահմանադրությունը պարունակում է տարածքային պահանջներ Ադրբեջանի նկատմամբ։ Հունիսի 7-ի ընտրություններից հետո նրանք կփոխեն սահմանադրությունը և կանցկացնեն հանրաքվե։ Տարածքային պահանջների լուծումից հետո կստորագրվի ԱՄՆ-ում նախաստորագրված խաղաղության համաձայնագիր Ադրբեջանի և Հայաստանի միջև։ Դրանից հետո կբացվեն Հայաստանի և Թուրքիայի, ինչպես նաև Հայաստանի և Ադրբեջանի միջև սահմանները»,- ասել է նա։ Ադրբեջանցի դիվանագետը նաև նշել է, որ կողմերն այժմ փոքր քայլերով են առաջ շարժվում. մասնավորապես՝ Ադրբեջանն արդեն առևտրային կապեր է հաստատել Երևանի հետ՝ «ապահովելով նրա էներգետիկ անվտանգությունը նավթի ու վառելիքի մատակարարումներով», ինչպես նաև աջակցելով Ղազախստանից ու Ռուսաստանից ցորենի և այլ արտադրանքի տեղափոխմանը։ Թուրքիան Հայաստանի հետ սահմանը փակել էր 1993 թվականին Ղարաբաղյան հակամարտության պատճառով, իսկ հարաբերությունների կարգավորման գործընթացը մեկնարկել է 2020 թվականին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
