  ԵԱՀԿ ԽՎ առաքելության կազմում կլինի 100 խորհրդարանական 30 երկրից 25 մայիսի 2026 - 17:21 AMT PanARMENIAN.Net - ԵԱՀԿ Խորհրդարանական վեհաժողովի հունիսի 7-ին կայանալիք խորհրդարանական ընտրությունների դիտորդական պատվիրակության ղեկավար Եվրոսիմա Պեյովիչն ավարտել է երկօրյա նախընտրական այցը Երևան, որի նպատակը հաջորդ ամիս դիտորդների լիարժեք տեղակայման նախապատրաստումն է եղել։ Այդ աշխատանքի արդյունքները պետք է ուղղորդեն Վեհաժողովի դիտորդական առաքելությունն ու բացահայտեն քաղաքական միջավայրի հիմնական առանձնահատկությունները։ Այդ մասին հայտնել են ԵԱՀԿ ԽՎ-ից, գրում է Panorama.am-ը: ԵԱՀԿ ԽՎ դիտորդական առաքելությունը Հայաստանի ընտրություններին կմասնակցի ավելի քան 100 ներկայացուցիչով՝ 30-ից ավելի երկրներից։ Այցի ընթացքում Պեյովիչը քննարկումներ է ունեցել պետական մարմինների, ընտրական վարչակազմի, քաղաքական կուսակցությունների և դաշինքների, քաղաքացիական հասարակության կազմակերպությունների, լրատվամիջոցների ներկայացուցիչների, ինչպես նաև արդեն տեղում աշխատող ԵԱՀԿ ժողովրդավարական հաստատությունների և մարդու իրավունքների գրասենյակի (ԺՀՄԻԳ) ընտրությունների դիտորդական առաքելության ներկայացուցիչների հետ։ «Ընտրությունները միայն մեկ օր չեն։ Դա բարդ գործընթաց է, որը կառուցվում է բոլոր մասնակիցների կողմից՝ սկսած այն կազմակերպող պաշտոնյաներից մինչև դրանց հետևող քաղաքացիական հասարակության խմբերը։ «Վերջին երկու օրերի ընթացքում մեր տեսած բացությունը ցույց է տալիս միջազգային հանրության հետ համագործակցելու ուժեղ պատրաստակամություն։ Այս նախնական աշխատանքը կենսական նշանակություն ունի մեր առաջիկա առաքելության համար, այն թույլ է տալիս մեր դիտորդներին տրամադրել անկախ և կառուցողական գնահատական, որը իսկապես կաջակցի Հայաստանի ժողովրդավարական ուղուն»,-ասել է Պեյովիչը Պեյովիչը շարունակելու է սերտ համագործակցությունը հատուկ համակարգող Ֆարահ Քարիմիի (Նիդեռլանդներ) հետ, որը ղեկավարում է ԵԱՀԿ կարճաժամկետ դիտորդական առաքելությունը։ Այս նախաձեռնությունը ներկայացրել է ԵԱՀԿ/ԺՀՄԻԳ-ի, ԵԱՀԿ ԽՎ-ի, Եվրոպայի խորհրդի խորհրդարանական վեհաժողովի (ԵԽԽՎ) և Եվրոպական խորհրդարանի համատեղ ջանքերը՝ ընտրական գործընթացի համապարփակ գնահատական ապահովելու համար։ ԵԱՀԿ Խորհրդարանական վեհաժողովը Հայաստանում երկարամյա փորձ է կուտակել, և այս տեղակայումը դարձել է 1995 թվականից ի վեր Հայաստանում իրականացվող նրա տասներկուերորդ ընտրությունների դիտորդական առաքելությունը։ Այդ շարունակական ներգրավվածությունն արտացոլել է Վեհաժողովի հանձնառությունը՝ աջակցելու ժողովրդավարական ինստիտուտներին և ընտրական գործընթացներին ԵԱՀԿ տարածաշրջանում։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
