  Միրզոյան․ TRIPP-ի վերաբերյալ ՀՀ-ԱՄՆ համաձայնագիրը ստորագրվեց 4 հունիսի 2026 - 11:30 AMT PanARMENIAN.Net - TRIPP-ի վերաբերյալ ՀՀ-ԱՄՆ համաձայնագիրը ստորագրվել է: Այդ մասին հայտարարել է ՀՀ ԱԳ նախարար Արարատ Միրզոյանը: «Վայրկյաններ առաջ ձեր աչքի առջև ստորագրեցի TRIPP-ի վերաբերյալ Հայաստան-ԱՄՆ շրջանակային համաձայնագիրը: Հիշում եք՝ օրեր առաջ այն նախաստորագրվել էր իմ և ԱՄՆ պետքարտուղար Մարկո Ռուբիոյի կողմից: Հիմա պետքարտուղար Ռուբիոն իր ստորագրություններն է դրել համաձայնագրի տակ, և առաքվել է փաստաթուղթը Հայաստան: Այժմ ես էլ հայկական կողմի ստորագրությունները դրեցի: Սրանով հեռավար ստորագրման գործընթացն ավարտված է, և համաձայնագիրը պատրաստ է վավերացման»,- ասել է ՀՀ ԱԳ նախարար Արարատ Միրզոյանը: Նա նաև տեսանյութ է հրապարակել: ՀՀ-ում ԱՄՆ դեսպանությունը հայտնել է, որ ԱՄՆ Միջազգային զարգացման ֆինանսական կորպորացիայի տնօրենների խորհուրդը հունիսի 3-ին հավանություն է տվել մի շարք նոր ռազմավարական ներդրումների, որոնց թվում է եղել նաև TRIPP-ի զարգացման ընկերության հիմնումը՝ որպես հայ-ամերիկյան համատեղ ձեռնարկություն։ Նախաձեռնությունը միտված է աջակցելու առևտրին, փոխադրումներին, տնտեսական զարգացմանը և տարածաշրջանային փոխկապակցվածությանը։ Միջազգային զարգացման ֆինանսական կորպորացիայի տվյալներով՝ ընկերությունը պետք է աջակցի կարևոր ենթակառուցվածքային նախագծերի իրականացմանը, այդ թվում՝ երկաթուղիների, ճանապարհների, խողովակաշարերի, օպտիկամանրաթելային ցանցերի և այլ համակարգերի զարգացմանը։ ԱՄՆ պետքարտուղար Մարկո Ռուբիոն Ներկայացուցիչների պալատի արտաքին հարաբերությունների հանձնաժողովում Պետքարտուղարության 2027 թվականի բյուջեի հայտի քննարկման ընթացքում անդրադարձել է Հայաստանի և Ադրբեջանի միջև հարաբերություններին, հայտնում է Factor.am-ը: Նրա խոսքով՝ Հայաստանի և Ադրբեջանի միջև հակամարտությունն ավարտվել է։ «Այն ոչ միայն ավարտվեց, այլև ավարտվեց համաձայնագրով, որի հետ կապված ես ստորագրեցի հուշագիր։ Այն ստեղծում է նոր բարգավաճման ուղի՝ TRIPP-ը, որը երկու երկրներին կընձեռի արտակարգ հնարավորություններ, հատկապես՝ Հայաստանին, հարգելով նրանց ինքնիշխանությունը, որ իսկապես շահեն դրանից»,- հայտարարել է Ռուբիոն։ Մայիսի 26-ին Մարկո Ռուբիոյի՝ Երևան կատարած այցի ընթացքում Հայաստանի և Միացյալ Նահանգների միջև նախաստորագրվել է TRIPP նախագծի շուրջ ռազմավարական համագործակցության շրջանակային համաձայնագիրը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
