ԿԸՀ նախագահ. Խորհրդարանը կգումարվի նույնիսկ, եթե ընդդիմությունը հրաժարվի մանդատներից

PanARMENIAN.Net - Խորհրդարանը կգումարվի նույնիսկ, եթե ընդդիմությունը հրաժարվի պատգամավորական մանդատներից, հայտարարել է Կենտրոնական ընտրական հանձնաժողովի նախագահ Վահագն Հովակիմյանը: Նա այդ մասին ասել է Հանրային հեռուստատեսության եթերում:

Նա նշել է, որ հակառակ դեպքում ամեն ընտրությունից հետո արդյունքներից դժգոհ քաղաքական ուժը կամ ուժերը կարող էին խոչընդոտել մանդատների բաշխմանը, ինչը կբերեր անվերջ շարունակվող ընտրական փուլերի։

Հայաստանի ԿԸՀ-ն խորհրդարանական ընտրությունների վերջնական արդյունքները կհայտարարվեն հունիսի 14-ին, իսկ առաջին նիստը կգումարվի օգոստոսի 2-ին։

Մինչև հունիսի 11-ը հանձնաժողովը կիրականացնի ձայների վերահաշվարկ, կքննարկի ներկայացված բողոքները և կավարտի ճշգրտման բոլոր ընթացակարգերը։

Ըստ նախնական տվյալների ՀՀ ԱԺ հունիսի 7-ի ընտրություններում քվեները բաշխվել են հետևյալ կերպ․ «Քաղաքացիական պայմանագիր»՝ 49․825 տոկոս, «Ուժեղ Հայաստան»՝ 23․281 տոկոս, «Հայաստան» դաշինք՝ 9․ 934 տոկոս, «Բարգավաճ Հայաստան»՝ 3․996 տոկոս: Այս թարմացված տվյալներով ԲՀԿ-ն չի հաղթահարում անցողիկ շեմը, որը կուսակցության համար 4 տոկոս է։ ԲՀԿ-ն, սակայն, վերահաշվարկ է նախաձեռնել և դեռ կարող է հայտնվել խորհրդարանում: