  ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը 10 հունիսի 2026 - 10:39 AMT PanARMENIAN.Net - Հայաստանն ու Ադրբեջանը ՀՀ Տավուշի մարզի Ներքին Ոսկեպար գյուղի տարածքում դեռևս չեն ավարտել սահմանային ցանկապատի շինարարությունը։ Այդ լուրը հաստատել են ՀՀ ազգային անվտանգության ծառայությունից, հայտնում է Sputnik Արմենիան: «Ներքին Ոսկեպարի` հարցման մեջ նշված կոորդինատներով սահմանային հատվածում փշալարային արգելափակոցներ կառուցելու նպատակով իրականացվում են համապատասխան աշխատանքներ»,- հայտնել են ԱԱԾ-ից։ Քարտեզում կարմիր գույնով նշվել է Բաղանիս և Ոսկեպար գյուղերի հարևանությամբ սահմանազատման արդյունքում կառուցված ցանկապատը, իսկ նարնջագույնով՝ մի քանի հարյուր մետր երկարությամբ այն հատվածը, որտեղ ցանկապատը դեռ չի կառուցվել։ Մուգ շագանակագույնով նշվել է այն տարածքը, որը վերահսկվել է ՀՀ զինված ուժերի կողմից և հետագայում հանձնվել է Ադրբեջանին։ Բաց շագանակագույնով ներկայացվել է «չեզոք գոտին» կամ ՀՀ ԶՈւ դիրքերի և Ադրբեջանի պետական սահմանապահ ծառայության միջև գտնվող հատվածը, որը սահմանազատումից հետո ևս ամբողջությամբ անցել է Ադրբեջանին։ Թե ինչու 2024 թվականին մեկնարկած սահմանազատումից և սահմանագծումից հետո սահմանային ցանկապատը մինչև այժմ ավարտուն տեսքի չի բերվել, ԱԱԾ-ից չեն մեկնաբանել։ Ավելի վաղ հայտարարվել է, որ Հայաստանն ու Ադրբեջանը Տավուշի մարզում 12–կիլոմետրանոց հատված են սահմանազատել, և առաջիկայում կշարունակվի և տրամաբանական ժամկետներում ավարտին կհասցվի Հայաստանի և Ադրբեջանի միջև սահմանազատման աշխատանքը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
