  ՀՀ-ն Airbus Helicopters-ից 6 ուղղաթիռ կգնի 19 հունիսի 2026 - 13:13 AMT PanARMENIAN.Net - ՀՀ-ն Airbus Helicopters-ից 6 ուղղաթիռ կգնի: Ընկերության հետ պայմանագիր է ստորագրվել H145 բազմաֆունկցիոնալ ուղղաթիռների ձեռքբերման վերաբերյալ, որոնք կօգտագործվեն տրանսպորտային նշանակության առաքելություններում։ Սա Հայաստանի առաջին պայմանագիրը Airbus Helicopters-ի հետ և ազդարարում է երկրի ուղղաթիռային հնարավորությունների արդիականացման մեկնարկը՝ իր դասում առավել բազմակողմանի և հուսալի հարթակներից մեկի միջոցով, գրում է Factor.am-ը: «Մեծ պատիվ է պաշտոնապես ողջունել Հայաստանի Հանրապետությանը Airbus Helicopters ընտանիքում։ Այս առաջին պայմանագիրը մեր ընկերության և Հայաստանի միջև աճող գործընկերության վկայությունն է, և մենք հպարտ ենք աջակցել ժողովրդին իր օդային կարողությունների արդիականացման գործում։ H145-ը Հայաստանի իշխանություններին կապահովի իրենց ամենախստապահանջ տրանսպորտային առաքելության պահանջների համար անհրաժեշտ ճկունությունն ու հուսալիությունը։ Մենք անհամբեր սպասում ենք երկարատև և արդյունավետ համագործակցության՝ մեր գործընկերությունը զարգացնելու առաջիկա տարիներին»,- ասել է Արևելյան Եվրոպայի, Կենտրոնական Ասիայի և Կովկասի գծով փոխնախագահն Լյուդովիկ Բուիստոնը։ Ընկերությունը նշել է, որ H145-ը լայն ճանաչում է ստացել իր բարձր արդյունավետության շնորհիվ, հատկապես բարձրլեռնային և շոգ պայմաններում շահագործման դեպքում, ինչն այն դարձրել է Հայաստանի բազմազան և լեռնային աշխարհագրական պայմանների համար առավել հարմար տարբերակներից մեկը։ H145-ի հինգ շեղբով տարբերակը ապահովում է ավելի մեծ բեռնատարողություն, առավել սահուն թռիչք և սպասարկման ավելի պարզեցված գործընթաց։ Ընկերության հայտարարության համաձայն՝ H145 ընտանիքի ավելի քան 1800 ուղղաթիռներ շահագործման մեջ են, որոնք ընդհանուր առմամբ գրանցել են ավելի քան 8․5 միլիոն թռիչքային ժամ։ Երկու Safran Arriel 2E շարժիչներով H145-ը համալրված է լիարժեք թվային շարժիչի կառավարման (FADEC) համակարգով և Helionix թվային ավիոնիկայով։ Այն ներառում է բարձր արդյունավետությամբ քառառանցք ավտոպիլոտ, որը բարձրացնում է անվտանգության մակարդակը և նվազեցնում օդաչուի ծանրաբեռնվածությունը։ Հաղորդագրության մեջ նաև ընդգծվում է, որ ցածր ակուստիկ հետքի շնորհիվ H145-ը համարվում է իր դասի ամենաանաղմուկ ուղղաթիռը, իսկ դրա CO2 արտանետումները եղել են մրցակիցների համեմատ ամենացածրերից։ Համաձայնագիրը վերջնականացվել է Ֆրանսիայի նախագահ Էմանուել Մակրոնի՝ Երևան կատարած պետական այցի ընթացքում և ուժի մեջ է մտել վերջերս՝ նշանավորելով Ֆրանսիայի և Հայաստանի միջև երկկողմ հարաբերությունների ամրապնդման կարևոր փուլը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
