  Փաշինյանն ու Թամազաշվիլին կարևորել են ՀՀ և Վրաստանի իրավապահ մարմինների միջև համագործակցությունը 30 հունիսի 2026 - 18:28 AMT PanARMENIAN.Net - Վարչապետ Նիկոլ Փաշինյանը Վրաստանի Ներքին գործերի նախարար Սուլխան Թամազաշվիլիի հետ հանդիպմանը ողջունել է նախարարի այցը Հայաստան և կարևորել ՀՀ ու Վրաստանի իրավապահ մարմինների միջև համագործակցության հետևողական զարգացումը։ Փաշինյանի խոսքով՝ երկկողմ հարաբերություններում առկա է փոխգործակցության զգալի ներուժ, որի լիարժեք իրացմանը նպաստում են նաև նման փոխայցելություններն ու բարձրաստիճան պաշտոնյաների ակտիվ շփումները։ Նա նաև կարևորել է երկու երկրների ներքին գործերի նախարարությունների համատեղ ծրագրերը, մասնավորապես՝ հանցավորության և ապօրինի թմրամիջոցների շրջանառության դեմ պայքարի, ինչպես նաև ներքին անվտանգության մակարդակի հետագա բարձրացման ուղղությամբ։ Թամազաշվիլին նշել է, որ Հայաստանի գործընկերների հետ արդյունավետ քննարկումներ է ունեցել, այդ թվում՝ համատեղ ծրագրերի իրականացման վերաբերյալ։ Նրա համոզմամբ՝ այդ նախաձեռնությունները նոր խթան կհաղորդեն երկկողմ հարաբերությունների ամրապնդմանը և կօգնեն առավել արդյունավետ արձագանքել առկա մարտահրավերներին։ Զրուցակիցները մտքեր են փոխանակել նաև Հայաստանի և Վրաստանի միջև համագործակցության զարգացման և տարբեր ոլորտներում հետագա քայլերի վերաբերյալ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
