Քաջարան-Ագարակ ճանապարհին ՀՀ-ում առաջին անգամ կամուրջների հեծանները տեղադրվում են նոր մեթոդով

PanARMENIAN.Net - Հյուսիս-հարավ ճանապարհային միջանցքի Քաջարան-Ագարակ 32 կմ ճանապարհահատվածի կառուցման ընթացքում կամուրջների հեծանների մոնտաժն իրականացվում է կախովի հեծանատեղադրիչ կայանքի (Launching Gantry) կիրառմամբ, որը Հայաստանում ներդրվել է առաջին անգամ, հայտնում է «Ճանապարհային դեպարտամենտ» հիմնադրամը:

Նոր տեխնոլոգիան ապահովում է շինարարական աշխատանքների առավել բարձր ճշգրտություն և անվտանգություն, իսկ ծրագրի ավարտից հետո ճանապարհը համապատասխանելու է միջազգային առաջադեմ չափանիշներին։

Կառուցվում է II տեխնիկական կարգի 32կմ երկարությամբ ճանապարհ։ Արդյունքում երթևեկության ներկայիս 50 կմ/ժ միջին արագությունը կավելանա մինչև 80 կմ/ժ-ի, ուղևորության ժամանակը կկրճատվի 35-40 րոպեով։

Ծրագիրը ներառում է նաև 5 նոր տրանսպորտային հանգույցների, 6 նոր վերգետնյա անցումների, մոտ 920 մետր ընդհանուր երկարությամբ 2 նոր թունելների և 15 նոր կամուրջների կառուցում։ Կառուցումից հետո ճանապարհը կհամապատասխանի միջազգային առաջադեմ չափանիշներին:

Ծրագիրն իրականացվում է Կայունացման և զարգացման եվրասիական հիմնադրամի և ՀՀ կառավարության համաֆինանսավորմամբ։ Հյուսիս-հարավ ճանապարհային միջանցքի ներդրումային ծրագիրն իրականացվում է «Ճանապարհային դեպարտամենտ» հիմնադրամի կողմից