  Կաթողիկոսը հայագիտական դասընթացների սփյուռքահայ մասնակիցներին հորդորել է ամրապնդել հայրենիքի հետ կապը 15 հուլիսի 2026 - 12:02 AMT PanARMENIAN.Net - Ամենայն Հայոց կաթողիկոս Գարեգին Երկրորդն ընդունել է Սուրբ Էջմիածնում անցկացվող հայագիտական և կրոնագիտական դասընթացներին մասնակցող մոտ 30 սփյուռքահայ երիտասարդների, հորդորել նրանց ստացած գիտելիքները ծառայեցնել աշխարհասփյուռ իրենց համայնքների և ազգային-եկեղեցական կյանքի զորացմանը։ Վեհափառ Հայրապետն ընդգծել է, որ նման կրթական ծրագրերն ուղղված են եղել սփյուռքահայ երիտասարդների հայեցի դաստիարակության և կրթության ապահովմանը, ազգային ու հոգևոր ինքնության ամրապնդմանը, ինչպես նաև եկեղեցու և հայրենիքի հետ կապն առավել զորացնելուն։ Կաթողիկոսի օրհնությամբ արդեն երկրորդ տարին կազմակերպվող դասընթացները նպատակ ունեն ամրապնդել երիտասարդների՝ հայոց լեզվի և պատմության իմացությունը, հարստացնել նրանց հոգևոր գիտելիքները, ինչպես նաև ծանոթացնել հայրենիքի հոգևոր-մշակութային ժառանգությանն ու ազգային արժեքներին։ Ծրագրի շրջանակում հայորդիների համար կազմակերպվել են նաև մշակութային միջոցառումներ և ուխտագնացություններ Հայաստանի տարբեր սրբավայրեր։ Ծրագրի համակարգումն իրականացրել է Մայր Աթոռ Սուրբ Էջմիածնի «Գարեգին Ա» կրթական կենտրոնի Եկեղեցականաց և երիտասարդաց վերապատրաստման ծրագրի փոխտնօրեն Հոգեշնորհ Տ․ Շնորհք աբեղա Սարգսյանը։ Կազմակերպչական հարցերում ծրագրին իրենց աջակցությունն են ցուցաբերել նաև Ղազարավանի միանձնուհիները։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
