 Քաջարանի թունելի շինարարությունը կավարտվի 2032-ին 16 հուլիսի 2026 - 12:36 AMT PanARMENIAN.Net - Իրանի սահման տանող 7․2 կիլոմետր երկարությամբ Քաջարանի թունելի շինարարությունը նախատեսվել է ավարտել 2032 թվականին, հայտնում է «Ճանապարհային դեպարտամենտ» հիմնադրամը։ Գերատեսչության տվյալներով՝ թունելի հորատման աշխատանքները իրանական կոնսորցիումը սկսելու է մոտ ժամանակում։ Ճանապարհային դեպարտամենտը հիշեցրել է, որ նոր թունելը հնարավորություն է տալու շրջանցել Հայաստանի ամենաբարձրադիր լեռնանցքը, ճանապարհը կրճատելու է մոտ 40 րոպեով և վերացնելու է անբարենպաստ եղանակային պայմաններով պայմանավորված ռիսկերը։ Թունելը համալրված է լինելու ժամանակակից ինժեներական համակարգերով՝ օդափոխությամբ, ջրահեռացմամբ, հրդեհաշիջման ավտոմատ համակարգով և կառավարման ավտոմատացված համակարգով, գրում է Sputnik Արմենիան: «Թունելի տակ մենք ունենալու ենք հատուկ ելք, որն օգտագործվելու է տարհանման ժամանակ, եթե թունելում ինչ–որ խնդիր առաջանա»,– նշված է հաղորդագրության մեջ։ 51%-ով ավարտվել են 32 կիլոմետր երկարությամբ հատվածի աշխատանքները՝ Հայաստանի պետական սահմանից մինչև Քաջարան։ Այս հատվածում նախատեսվում է 32 կիլոմետր ճանապարհի կառուցում և վերակառուցում, հինգ տրանսպորտային հանգույցների, շուրջ մեկ կիլոմետր ընդհանուր երկարությամբ 2 թունելների և 15 կամուրջների կառուցում: Քաջարան–Ագարակ 32 կիլոմետր ճանապարհահատվածի շինարարությունն ամբողջությամբ նախատեսվել է ավարտել մինչև 2027 թվականի վերջը։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
