  Կաթողիկոսի և 6 եպիսկոպոսի քրեական գործը փոխանցվել է դատարան 29 հուլիսի 2026 - 10:28 AMT PanARMENIAN.Net - Դատախազը հաստատել է Ամենայն Հայոց կաթողիկոս Գարեգին Բ-ի և Մայր Աթոռ Սուրբ Էջմիածնի 6 եպիսկոպոսի գործով մեղադրական եզրակացությունը և այն ուղարկել դատարան։ Այդ մասին տեղեկացել է ՀՀ գլխավոր դատախազությունից, հայտնում է Radar Armenia-ն: Մեղադրյալի կարգավիճակ ունեն Տեր Մակար եպիսկոպոս Հակոբյանը, Տեր Հովնան եպիսկոպոս Հակոբյանը, Տեր Նաթան արքեպիսկոպոս Հովհաննիսյանը, Տեր Հայկազուն արքեպիսկոպոս Նաջարյանը, Տեր Մուշեղ եպիսկոպոս Բաբայանը և Տեր Վահան եպիսկոպոս Հովհաննիսյանը։ Նրանց նկատմամբ որպես խափանման միջոց ընտրվել է բացակայելու արգելքը։ Քրեական գործը հարուցվել է ՀԱԵ Մասյացոտնի թեմի նախկին առաջնորդ Տեր Գևորգ եպիսկոպոս Սարոյանի հետ կապված դատական ակտի կատարմանը խոչընդոտելու մեղադրանքով։ Նույն գործով Գարեգին Բ-ի նկատմամբ ևս կիրառվել է ՀՀ տարածքը լքելու արգելքը։ Պաշտպանական խումբը հայտարարել է, որ պատրաստվում է օրենքի շրջանակում բոլոր հնարավոր եղանակներով պայքարել։ Այդ մասին ասել է փաստաբան Արմինե Ֆանյանը, հայտնում է Sputnik Արմենիան: «Մենք օրենքի սահմաններում բոլոր եղանակներով պաշտպանություն ենք իրականացնելու։ Սա ակնհայտ ապօրինի մեղադրանք է։ Պետությունն իր ամբողջ գործիքակազմով միջամտում է եկեղեցու ներքին կյանքին, որի իրավասությունը չունի ո՛չ օրենսդրությամբ, ո՛չ էլ Սահմանադրությամբ։ Ապավինում ենք դատարանի օրինական որոշմանը, որպեսզի այս ապօրինությունը ի վերջո հանգուցալուծվի, ու հօգուտ այն անձանց, ովքեր հանիրավի հետապնդվում են։ Որևէ իշխանության օրոք այսպիսի միջամտություն չի եղել, այն էլ ապօրինի քրեական հետապնդումներ հարուցելու եղանակով։ Սա բացառիկ և խիստ պարսավելի երևույթ է»,– նշել է Ֆանյանը։ Նա ընդգծել է, որ արդարացման դեպքում Քրեական դատավարության օրենսգրքով նախատեսված է ռեաբիլիտացիայի ինստիտուտը, և պաշտպանական կողմն արդեն իրականացրել է այնպիսի քայլեր, որոնք ուղղված են արդարացման հիմքերի ձևավորմանը։ Նա նաև շեշտել է, որ բոլոր առանցքային որոշումները բողոքարկվել են, և դրանց զգալի մասով արդեն դրական արդյունքներ են արձանագրվել։ Ֆանյանի խոսքով՝ այդ դրական արդյունքները դատաքննության ընթացքում ծառայելու են հոգևորականների արդարացմանը, իսկ ռեաբիլիտացիայի ինստիտուտը հնարավորություն է տալու վերականգնել նրանց իրավունքները։ Փաստաբանը նաև հիշեցրել է, որ քրեական հետապնդման ժամկետներն արդեն սպառվել են, և եպիսկոպոսների արդարացման հիմքերից մեկն էլ հենց այդ հանգամանքն է․ նրանց նկատմամբ իրականացվող հետապնդումը պետք է դադարեցվի։ Փետրվարի 14-ին հայտնի է դարձել, որ կաթողիկոսի նկատմամբ քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, ինչպես նաև արգելվել է Ամենայն հայոց կաթողիկոսի ելքը Հայաստանից։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
