ՀՀ ԱԳՆ. Վերջին խոսքը Լեռնային Ղարաբաղի ժողովրդինն է11 հուլիսի 2009 - 18:58 AMT PanARMENIAN.Net - «Մենք անհամբերությամբ սպասում ենք Հայաստանի եւ Ադրբեջանի նախագահների Մոսկվայում կայանալիք հերթական հանդիպմանը, եւ Լեռնային Ղարաբաղի հակամարտության կարգավորման գործընթացում լուրջ առաջխաղացումների հույսեր ունենք», - Հայաստանի արտգործնախարար Էդվարդ Նալբանդյանի հետ համատեղ մամլո ասուլիսի ժամանակ հայտարարել է ԱՄՆ պետքարտուղարի առաջին տեղակալ Ջեյմս Ստեյնբերգը: Նրա խոսքերով, Իլհամ Ալիեւի եւ Սերժ Սարգսյանի հետ բանակցություններից հետո տպավորություն է ստեղծվում, որ կողմերը ցանկանում են պայմանավորվածություն ձեռքբերել: «Մենք նկատեցինք հակամարտության լուծման ձգտում, իսկ դա մեծ առաջընթաց քայլ է», - ընդգծել է Ստեյնբերգը: Նա նաեւ նշել է, որ ԱՄՆ բարձրաստիճան դիվանագետների այցերը Երեւան խոսում են այն մասին, որ Միացյալ Նահանգները մեծ կարեւորություն են տալիս Հայաստանին:Իր հերթին, ՀՀ ԱԳՆ ղեկավար Էդվարդ Նալբանդյանը նշել է, որ պաշտոնական Երեւանը ողջունում է ղարաբաղյան հակամարտության լուծմանն ուղղված համանախագահ երկրների ջանքերը, եւ առաջին հերթին ԱՄՆ-ի: «Բայց, բոլոր դեպքերում, վերջին խոսքը Լեռնային Ղարաբաղի ժողովրդինն է, նա է որոշելու իր ճակատագիրը: Այդպիսին է մեր դիրքորոշումը, եւ այն անփոփոխ է», - ընդգծել է Նալբանդյանը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |