Հայաստանի կառավարությունը մտադիր է խթանել ներքին տուրիզմի զարգացումը Հայաստանում եւ ԼՂՀ-ում22 հուլիսի 2009 - 17:10 AMT PanARMENIAN.Net - ՀՀ վարչապետ Տիգրան Սարգսյանն այսօր այցելել է «Ասպար Ուայլդ Տուր» զբոսաշրջային կազմակերպություն, որը 2006 թվականից կազմակերպում է զբոսաշրջային տուրեր Հայաստանի եւ Ղարաբաղի տեսարժան վայրեր եւ փորձում ընդլայնել իր ծառայությունները, ներկայանալ նորովի, հաղորդում է կառավարության մամլո ծառայությունը։ ՀՀ վարչապետ Տիգրան Սարգսյանը նշել է, որ կազմակերպության գործունեությունը համահունչ է Հայաստանում տուրիզմի զարգացմանը միտված կառավարության ծրագրերին եւ հույս հայտնել, որ առաջիկայում արդյունավետ համագործակցության պայմաններում դրանք կիրականացվեն։ Տիգրան Սարգսյանն ընդգծել է, որ կառավարությունը այս տարի հանդես է եկել տուր-օպերատորներին աջակցելու մի շարք նախաձեռնություններով, որոնց նպատակն է խթանել ներքին տուրիզմի զարգացումը Հայաստանում եւ Լեռնային Ղարաբաղի Հանրապետությունում։ ԼՂՀ-ի տեսարժան վայրերը ներկայացնող ճանաչողական ֆիլմի դիտումից հետո ՀՀ վարչապետը հանդիպել է տուրիստական գործակալությունների ներկայացուցիչների հետ։ Անդրադառնալով հուլիսի 8-ին կառավարությունում ներկայացված «Ցածրաբյուջե հանգիստ եւ շրջապտույտներ Արցախում» փաթեթին, Տիգրան Սարգսյանը դրական է գնահատել գործակալությունների ներկայացուցիչների եռօրյա ճանաչողական այցը ԼՂՀ եւ համապատասխան քննարկումների արդյունքները, ընդգծել, որ բացահայտվել են Արցախում զբոսաշրջության զարգացման իրական հնարավորությունները, առկա խնդիրներն ու զարգացման հեռանկարները։ ՀՀ վարչապետը միաժամանակ շեշտել է ներքին տուրիզմի զարգացման նպատակով ոլորտի ուսումնասիրության անհրաժեշտությունը, կարեւորել խոշոր ձեռնարկությունների եւ տուրիստական գործակալությունների համատեղ աշխատանքը, ինչպես նաեւ երկխոսության շարունակականության ապահովումը կառավարության եւ զբոսաշրջային կազմակերպությունների միջեւ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ ՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |