Ջերմուկում ընթացող Գրան-պրի ՖԻԴԵ-ում եռիշխանություն է հաստատվել

PanARMENIAN.Net - Հայաստանի Ջերմուկ քաղաքում ընթացող Գրան-պրի ՖԻԴԵ 9-րդ փուլի արդյունքում եռիշխանություն է հաստատվել: Առաջնության առաջատարներ Վասիլի Իվանչուկին եւ Պետեր Լեկոյին միացել է Ռուստամ Կասիմժանովը` միակ մասնակիցը, որին հաջողվեց 9-րդ փուլում հաղթանակով ավարտել պարտիան: Նրա մրցակից բուլղարացի Իվան Չեպարինովը հանձնվեց պարտիայի 42-րդ քայլում:



Հայ գրոսմայստերներ Լեւոն Արոնյանն ու Վլադիմիր Հակոբյանը մնացած բոլոր մասնակիցների հետ մեկտեղ ոչ ոքի են ավարտել իրենց պարտիաները Բակրոյի եւ Յակովենկոյի հետ համապատասխանաբար: 9-րդ փուլից հետո Արոնյանը 5 միավորով շարունակում է Կարյակինի, Էլյանովի եւ Ալեքսեեւի հետ կիսել 4-7 տեղերը: Հակոբյանի մրցաշարային դրությունը նույնպես չի փոխվել. նա Չեպարինովի եւ Կասմկու հետ նախկինի պես կիսում է 11-13-րդ տեղերը:



Օգոստոսի 19-ին Գրան-պրի ՖԻԴԵ 5-րդ շրջանի մասնակիցների համար հանգստյան օր է: Իսկ օգոստոսի 20-ին` 10-րդ փուլում Արոնյանը սեւերով իր ուժերը կփորձի Վլադիմիր Հակոբյանի հետ:



9-րդ փուլի արդյունքները`



Կամսկի (ԱՄՆ) - Լեկո (Հունգարիա) - 0,5:0,5

Կասիմժանով (Ուղբեկստան) - Չեպարինով (Բուլղարիա) - 1:0

Գելֆանդ (Իսրայել) - Ալեքսեեւ (Ռուսաստան) - 0,5:0,5

Էլյանով (Ուկրաինա) - Իվանչուկ (Ուկրաինա) - 0,5:0,5

Կարյակին (Ուկրաինա) - Ինարկիեւ (Ռուսաստան) - 0,5:0,5

Բակրո (Ֆրանսիա) - Արոնյան (Հայաստամ) - 0,5:0,5

Յակովենկո (Ռուսաստան) - Հակոբյան (Հայաստան) - 0,5:0,5



Մրցաշարային դրությունը 9 փուլերից հետո` Իվանչուկ, Լեկո, Կասիմժանով` 6 միավոր; Արոնյան, Կարյակին, Էլյանով, Ալեքսեեւ` 5; Գելֆանդ, Բակրո` 4,5; Յակովենկո` 4; Հակոբյան, Չեպարինով, Կամսկի` 3,5; Ինարկիեւ` 2: