Fruitfull Armenia-ն երկարացրեց Fruitfull-տաղանդի մրցանակաբաշխությանը մասնակցության հայտեր ներկայացնելու ժամկետը 3 սեպտեմբերի 2009 - 17:28 AMT PanARMENIAN.Net - Fruitfull Armenia ընկերությունը երկարացրեց Fruitfull-տաղանդի մրցանակաբաշխությանը մասնակցության հայտեր ներկայացնելու ժամկետը, որը հայտարարվել էր 40 օր` 2009թ. մայիսից մինչեւ 2009թ. հոկտեմբերի 16-ը: Այս մասին հինգշաբթի օրը լրագրողներին հայտնեց Fruitfull Armenia ընկերության գլխավոր գործադիր տնօրեն Աննա Քրիստինե Շիրինյանը: Նրա խոսքերով, ընկերությունը արդեն ստացել է 57 աշխատանք եւ շուրջ 100 մրցանակաբաշխությանը մասնակցելու հայտ, բացի այդ ընկերությունը ստացել էր բազմաթիվ նամակներ ու հեռախոսազանգեր հայտերի ընդունման ժամկետը երկարացնելու խնդրանքով: «Հյուսիսային համալսարանների ուսանողները ամառային արձակուրդի մեջ են, այդ պատճառով մենք որոշեցինք երկարացնել հայտեր ներկայացնելու ժամկետները», - նշեց նա:Իր հերթին, Fruitfull խմբի մամլո քարտուղար Գեւորգ Աբրամյանը ավելացրեց, որ մրցանակաբաշխության հայտարարման սկզբից ընկերության առաջ կանգնեցին երկու կարեւորագույն խնդիր` ընկերությունը իր վրա չի վերցնում մտավոր սեփականության իրավունքի պաշտպանման պարտականությունը եւ բացի այդ ընկերությունը պարտավորվում է Հայաստան հասցնել հաղթողին, որտեղ էլ նա գտնվի: Մրցանակաբաշխության հաղթողը կբերվի Հայաստան, նույնիսկ եթե նա Անտարկտիդայում բնակվի»,- հավատացրեց նա: Մայիսի 7-ին Fruitfull Armenia ընկերությունը մրցանակաբաշխություն հայտարարեց նորարարությունների առաջարկներ 4 ոլորտներում` գյուղատնտեսական եւ ագրոարդյունաբերական արտադրական, մարքեթինգ առեւտուր, ֆինանսներ, ինֆրակառույց: Մրցանակաբաշխությանը կարող են մասնակցել18-30 տարեկան հայ երիտասարդության ներկայացուցիչները աշխարհի ցանկացած մասից: Մրցանակաբաշխության շրջանակներում նախատեսված է 21 մրցանակ, որտեղ գլխավոր անվանակարգը կլինի «Fruitfull Armenia Ոսկե մրցանակը», որի հաղթողը կստանա 3 մլն դրամ, ինչպես նաեւ նոութբուք: Մնացած մասնակիցների համար նախատեսված է 3 մրցանակային անվանակարգ, որոնցից առաջինի հաղթողը կստանա 750 հազար դրամ եւ նոութբուք, երկրորդ տեղը` 300 հազար դրամ եւ նոութբուք, երրորդի համար` նոութբուք: Մրցանակաբաշխությանը մասնակցել ցանկացողները պետք է գրանցվեն www.fafarmenia.org կայքում: Մրցանակաբաշխության կազմակերպիչն է Fruitfull Armenia ընկերությունը` «Կոնվերսբանկ» ՓԲԸ, «Թիերաս դե Արմենիա» ՓԲԸ, «Հայաստան` միջազգային օդանավակայաններ» ՓԲԸ, «Էյ Դի-Էֆ Շոպս» ՓԲԸ աջակցությամբ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Դեմիրճյանում և Բաղրամյանում ոստիկանական ուժերի կուտակումներ են, փշալարեր են բերվել Գառնիկ Դանիելյանն ասել է, որ ըստ լուրերի, ԱԺ-ում դիպուկահարներ էլ կան ԼՂ-ից տեղահանվածների համար սոցբնակարանների հիմնանորոգումը շուտով կսկսվի Քննարկվում է 300 կացարանի նախագիծ Փոխվարչապետ․ Հունվարից 1-ից վարձի աջակցությունն աշխատանքային տարիքի ԼՂ տեղահանվածներին գուցե դադարի Նրա խոսքով, առաջիկա ամիսների կհստակեցնեն նշված աջակցության ծրագրում նախատեսվող փոփոխությունները «ՍոֆթԿոնստրակտ» ՓԲԸ-ն շաբաթօրյակ է արել «Ջրվեժ» անտառպարկում Անտառպարկում կտեղադրվեն նաև ժամանակակից նստարաններ և տեսակավորման աղբարկղեր |