  Ստեփան Գրիգորյան. Թուրքիան կվավերացնի հարաբերությունները դեկտեմբեր-հունվարին16 դեկտեմբերի 2009 - 14:52 AMT PanARMENIAN.Net - Հայաստանը պետք է առաջինը վավերացնի Հայ-թուրքական արձանագրությունները, ողջ պատասխանատվությունը երկրների միջեւ հարաբերությունների կարգավորման համար դնելով Թուրքիայի վրա: Այդ մասին Երեւանում կայացած մամլո ասուլիսում հայտարարել է Գլոբալիզացիայի եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանը: Ըստ նրա, ճնշումն Անկարայի հանդեպ գերտերությունների կողմից առաջիկայում կուժեղանա: Չվավերացնելով Արձանագրությունները` Հայաստանը եւս կհայտնվի այդ ճնշման տակ, քանի որ Անկարան փորձում է պատասխանատվության մի մասը բարդել Երեւանի վրա: «Բոլորը գիտեն, որ ի տարբերություն Թուրքիայի խորհրդարանի, մերը անկախ մարմին չէ, այնպես որ, ես իմաստ չեմ տեսնում այդ քաղաքական խաղի եւ հայկական կողմից Արձանագրությունների վավերացման ձգձգման մեջ»,-ասել է Գրիգորյանը: «Ձգձգելով Արձանագրությունների վավերացման գործընթացը, կողմերն առաջացնում են գերտերությունների դժգոհությունը, քանի որ նրանք շահագրգռված են այդ գործընթացում»,-ասել է Գրիգորյանը` հավելելով, որ Հայաստանը չպետք է իր գործողությունները կապի Թուրքիայի գործողությունների հետ Արձանագրությունների վավերացման հարցում: Ընդ որում, նա նշել է, որ Թուրքիան անպայման կվավերացնի Արձանագրությունները դեկտեմբեր-հունվար ամիսներին: «Հնարավոր է, որ միայն տեխնիկական հարցերի պատճառով Արձանագրությունների ձգձգումը կարող է երկարել մինչեւ փետրվար»,-ասել է հայ փորձագետը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
