ՀԲ. Հայաստանը պետք է բարձրացնի մրցունակության մակարդակն ու դիվերսիֆիկացնի տնտեսությունը17 դեկտեմբերի 2009 - 16:36 AMT PanARMENIAN.Net - Ճգնաժամը դաս եղավ Հայաստանի համար եւ վեր հանեց նրա հիմնական թերությունները` թույլ դիվերսիֆիկացիան եւ անմրցունակությունը, ուստի ճգնաժամի հետեւանքները հաղթահարելու համար երկիրը պետք է երեք պայման ապահովի, գտնում է Համաշխարհային բանկի երեւանյան գրասենյակի տնօրեն Արիստոմենե Վարուդակիսը: «Նա պետք է բարձրացնի իր դիմադրողականությունը ներդրողների համար ստեղծելով բարենպաստ պայմաններ, նվազեցնելով օլիգոպոլիայի դերը, նվազագույնի հասցնելով կոռուպցիան հարկային մարմիններում, զարգացնելով ենթակառուցվածքները, մասնավորապես տրանսպորտն ու ՏՏ ոլորտը` կրճատելու համար տրանսպորտային ծախսերն ու բարձրացնելով ՀՀ տնտեսության մրցունակությունը»,-ասել է նա: Ըստ նրա, կարեւոր է նաեւ սոցիալական ծախսերի պահպանումը, մասնավորապես, կրթության եւ առողջապահության ոլորտներում, քանի որ հենց սոցիալական ծրագրերը թույլ տվեցին կառավարությանը մեղմել ճգնաժամի ազդեցությունը բնակչության խոցելի շերտերի վրա: Վարուդակիսը նշել է նաեւ, որ պետպարտքի սպասարկման համար Հայաստանը պետք է բարեփոխի հարկային վարչարարությունը: «Եվ վերջապես, պետք է ապահովել ներդրումային ծրագրերի ճիշտ գնահատումը, հատկապես այն ոլորտներում, որտեղ շահույթ ստանալու հնարավորություն կա»,-հավելել է նա: Վարուդակիսը նշել է նաեւ, որ այդ պայմաններն ապահովելու համար ՀՀ իշխանություններին հարկավոր է վճռականություն եւ հզոր քաղաքական կամք: Այդ ուղղությամբ քայլեր կատարվում են, սակայն դա դեռեւս բավարար չէ, հայտարարել է Արիստոմենե Վարուդակիսը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Քարկոփի ժամանակավոր հետիոտնային կամուրջը Դեբեդի նոր վարարման հետևանքով փլուզվել է Կամուրջը մի քանի օր առաջ էր տեղադրվել, որով Ախթալայի և 6 գյուղերի բնակիչները կարողանում էին կապ հաստատել Գլենդելի քաղաքապետը կժամանի Հայաստան Նա կայցելի Երևան, Գյումրի գուցե նաև Կապան «Երևանի գինու օրերը»՝ Ակբա բանկի հետ Այս տարի 12-ով ավելացել է մասնակից գինեգործների թիվը՝ հասնելով 87-ի Օ՛Բրայեն. ՀՀ հետ առևտուրն ընդլայնելու, գլոբալ առևտրում երկրի մասնաբաժինը մեծացնելու հնարավորություն կա Նա նշել է, որ մաքսային ոլորտում տեղեկատվության փոխանակման մասին համաձայնագիր կստորագրվի |