«Կիլիկիան» հավաքները սկսել է կորուստներով

PanARMENIAN.Net -
«Կիլիկիա» երեւանյան ֆուտբոլային ակումբը հունվարի 11-ց սկսել է ուսումնա-մարզական հավաքները: Մարզումները անցկացվում են «Կիլիկիա» մարզահամալիրում: Ինչպես հայտնել է PanARMENIAN.Net ի թղթակցին գլխավոր մարզիչ Աբրահամ Խաշմանյանը, թիմում փոփոխություններ են տեղի ունեցել. «հիմնական կազմի 6 խաղացողները լքել են թիմը»: Ռոման Հովհաննիսյանը (հարձակվող) եւ Ավետիս Ղազարյանը (պաշտպան) ծառայում են բանակում: Ռաֆայել Մկրտչյանը (հարձակվող) «Ուլիսի» հետ պայմանագիր է ստորագրել, իսկ դարպասապահ Արմեն Խաչատրյանը «Միկայում» փորձաշրջան է անցնում», - ասել է Խաշմանյանը:



Ակումբը հրաժարվել է Գեղամ Քոչարյանից (պաշտպան) եւ Սուրեն Սարգսյանից (կիսապաշտպան):



«Կիլիկիայում» փորձաշրջան է անցկացվում մի քանի խաղացողի համար, եւ գլխավոր մարզիչի խոսքերով հունվար ամսին նրանցից մի քանիսի հետ ակումբը պայմանագիր կստորագրի:



«Կիլիկիա»

«Կիլիկիան» հիմնվել է Երեւանում 1992 թ-ն երկրի առաջին անկախ առաջնությունից առաջ: Այն ժամանակ ակումբը կոչվում էր Հայաստանի մարզական ընդհանուր միություն: «Կիլիկիան» կուսակցական միավոր էր, ակումբի հիմնադիրն է ՀՅ Դաշնակցությունը:

Առաջին հաղթանակը ակումբը ունեցավ նույն թվականին, «Շիրակ» ակումբի հետ միասին:

Հերթական եւ վերջին «ոսկե» առաջնությունը, թիմի համար դարձավ 1996-97թթ: 1999 թ-ն ակումբը հերթական եւ վերջին անգամ փոխում է անվանումը` դառնալով «Կիլիկիա» ի պատիվ միջնադարյան հայկական թագավորության:

«Կիլիկիա» Հայաստանի չեմպիոն է (1992, 1995/96, 1996/97), Հայաստանի առաջնության արծաթե մրցանակակիր (1994, 1995), Հայաստանի Գավաթակիր (1995/96), Հայաստանի Սուպերգավաթակիր (1998):

 Ուշագրավ
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
«Այդ պահից հետո ամեն ինչ արմատապես փոխվեց»,- ասել է նա
Հավանայում կայացել է Ծանրամարտի միջազգային ֆեդերացիայի նիստը
Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից
---