Հունվարի 21-22-ին Ամենայն Հայոց կաթողիկոսը կայցելի Մոսկվա

13 հունվարի 2010 - 12:54 AMT

PanARMENIAN.Net -
Ամենայն Հայոց կաթողիկոս Գարեգին Երկրորդը մտադիր է այցելել Մոսկվա հունվարի 21-22-ին: Այդ մասին հաղորդել է Մոսկվայի պատրիարքարանի Արտաքին եկեղեցական կապերի բաժնի պետ, Վոլոկոլամսկի արքեպիսկոպոս Իլարիոնը:

Իր հերթին Արտաքին եկեղեցական կապերի բաժնի ղեկավարի տեղակալ Ֆիլիպը (Ռյաբիխ) տեղեկացրել է, որ մարտին նախատեսվում է Մոսկվայի Պատրիարք եւ Ամենայն Ռուսիո պատրիարք Կիրիլի այցն Երեւան: Հայաստանի մայրաքաղաքում նա կհանդիպի ոչ միայն Հայ Առաքելական եկեղեցու ղեկավարի, այլ նաեւ պետության առաջին դեմքերի հետ: «Դա կլինի պատրիարք Կիրիլի առաջին այցը Հայոց եկեղեցի»,-ընդգծել է հայր Ֆիլիպը, հաղորդում է mospat.ru-ն:

Հայ Առաքելական եկեղեցի

Հայ Առաքելական եկեղեցին (ՀԱԵ) քրիստոնյա աշխարհի ամենահնագույն եկեղեցիներից է, որը ունի մի շարք էական տարբերություններ դավանանքի եւ արարողակարգի մեջ, ինչը տարբերում է նրան ինչպես բյուզանդական ուղղափառությունից, այնպես էլ հռոմեական կաթոլիկ եկեղեցուց: 301 թ-ն Հայաստանը դարձավ առաջին երկիրը, որը պետականորեն ընդունեց Քրիստոնեությունը: ՀԱԵ-ն արարողակարգը կատարում է իր ծիսակարգով:

Ներկայումս միասնական ՀԱԵ-ն կանոնիկ կառուցվածքով միասնական է , սակայն ունի երկու կաթողիկոսական աթոռ` Էջմիածնում եւ Կիլիկիայում (Մեծի Տանն Կիլիկիո կաթողիկոսություն), կենտրոնը` Անթիլիասում, Լիբանան: Կիլիկիո կաթողիկոսությունը վարչական անկախության ունի, սակայն առաջնությունը պատկանում է Էջմիածնի Սուրբ աթոռին, որը կրում է Ամենայն Հայոց Կաթողիկոսի եւ ծայրագույն Պատրիարքի տիտղոսը այնուամենայնիվ:

Էջմիածնի տնօրինության տակ են գտնվում Հայաստանի եւ Լեռնային Ղարաբաղի բոլոր թեմերը, եւ արտասահմանյան թեմերի մեծամասնությունը, մասնավորապես Ռուսաստանի, Ուկրաինայի եւ նախկին ԽՍՀՄ-ի այլ երկրներում: Կիլիկիո կաթողիկոսը ղեկավարում է Լիբանանի, Սիրիայի եւ Կիպրոսի թեմերը:

Գույություն ունեն նաեւ ՀԱԵ-ի երկու ինքնավար պատրիարքություն` Երուսաղեմի եւ Կոստանդնուպոլսի, որոնք ենթակա են Էջմիածնի կաթողիկոսին: Երուսաղեմի եւ Կոստանդնուպոլսի պատրիարքները արքեպիսկոպոսի աստիճան: Երուսաղեմի պատրիարքության տակ են գտնվում Իսրայելի եւ Հորդանանի եկեղեցիները, իսկ Կոստանդնուպոլսի` Թուրքիայում եւ Կրետե կղզու (Հունաստան) հայկական եկեղեցիները: