ՀՀԿ փոխնախագահ. Ռոբերտ Քոչարյանը Իրան չէր մեկնել լուծելու տարածաշրջանային հարցերը

PanARMENIAN.Net -
Հայաստանի կառավարող Հանրապետական կուսակցության (ՀՀԿ) նախագահի տեղակալ, ՀՀ ՍԴ պատգամավոր Ռազմիկ Զոհրաբյանը ոչ մի վատ բան չի տեսնում նրանում, որ նախկին նախագահները քաղաքականությամբ են զբաղվում: «Բոլոր ժողովրդավարական երկրներում նախկին նախագահները զբաղվում են քաղաքականությամբ: Եթե ՀՀ երկրորդ նախագահը նույնպես որոշի զբաղվել արտաքին քաղաքականությամբ, ապա դա միանգամայն նորմալ է»,- ասաց պատգամավորը:



Անդրադառնալով Ռոբերտ Քոչարյանի Իրան կատարած այցին` Ռազմիկ Զոհրաբյանն ասաց, որ դա մասնավոր այց էր, եւ ՀՀ երկրորֆ նախագահն Իրան չէր մեկնել լուծելու տարածաշրջանային հարցերը:



Ռոբերտ Քոչարյանը Հայաստանի Հանրապետության երկրորդ նախագահն է 1998թ. մարտի 30-ից 2008թ. ապրիլի 9-ը: Արցախի Հանրապետության (Լեռնային Ղարաբաղի Հանրապետություն) առաջին նախագահն է: Ներկայումս Ռոբերտ Քոչարյանը խոշորագույն ռուսական «Սիստեմա» Բաժնետիրական Ֆինանսական Ընկերության Տնօրենների խորհրդի անդամն է: