«Աերոֆլոտ օփըն»-ի երկրորդ տուրում հայ շախմատիստներից հաղթել է Մելքումյանը

PanARMENIAN.Net -
Մոսկվայում ընթացող «Աերոֆլոտ օփըն»-ի երկրորդ տուրում A1 խմբում հանդես եկող ՀՀ 4 շախմատիստներից 3 ավարտել են պարտիաները ոչ ոքի, մեկը` հաղթել է: Փաշիկյանը, Անդրիասյանն ու Մելքումյանը խաղացել են սեւ խաղաքարերով, Սարգսյանը` սպիտակ: Երկրորդ տուրից հետո Փաշիկյանը 13-րդ տեղում է, Մելքումյանը` 28-րդ, Սարգսյանն ու Անդրիասյանը` 35 եւ 42-րդ տեղերում:



Իսկ A2 մրցաշարում Պետրոսյանը 10-րդ տեղում է, Քոթանջյանը` 26-րդ: Մրցաշարի առաջատարը ռուսաստանցի Արթուր Գաբրիելյանն է:



Հայ շախմատիստներն A մրցաշարում խաղացել են հետեւյալ կերպ`



Արման Փաշիկյան-Ալեքսանդր Մոտիլեւ (Ռուսաստան) 0,5:0,5

Զավեն Անդրիասյան-Անդրեյ Վոլոկիտին (Ուկրաինա) 0,5:0,5

Հրանտ Մելքումյան-Ալեքսեյ Դրեեւ (Ռուսաստան) 1:0

Գաբրիել Սարգսյան-Ալդար Հայրուլին 0,5:0,5:



A 2 մրցաշարի պարտիաներն ավարտվել են հետեւյալ կերպ`



Դավիթ Պետրոսյան-Վան Հու Նգուեն (Վիետնամ) 0,5:0,5

Տիգրան Քոթանջյան-Յակով Զիլբերման (Իսրայել) 0,5:0,5