Դավիթ Նալբանդյանն աշխարհի ուժեղագույն թենիսիստների վարկանիշային աղյուսակում զբաղեցնում է 161-րդ տեղը

23 մարտի 2010 - 14:53 AMT

PanARMENIAN.Net - Մարտի 22-ին Թենիսի միջազգային ասոցիացիան (ԹՄԱ) հրատարակել է աշխարհի ուժեղագույն թենիսիստների նոր վարկանիշը:

Արգենտինահայ թենիսիստ Դավիթ Նալբանդյանը 300 միավորով զբաղեցնում է 161-րդ տեղը: Փետրվարի վարկանիշի համեմատ 2 հորիզոնականով զիջել է դիրքերը:

Ինչպես հաղորդում է gotennis.ru-ն, առաջին տեղում է Ռոջեր Ֆեդերերը (Շվեյցարիա), երկրորդում` Նովակ Ջոկովիչը (Սերբիա): Իսպանացի Ռաֆայել Նադալը չորրորդն է, Էնդի Մարրեյը` երրորդը:

Դավիթ Նալբանդյան

Դավիթ Նալբանդյանը արգենտինահայ թենիսիստ է, որն իր պրոֆեսիոնալ կարիերան սկսել է 2000թ.: 1996թ. նա հաղթեց աշխարհի թիմային պատանեկան առաջնությունում Արգենտինայի թիմի կազմում: Նա նաեւ US Open 1998-ի հաղթողն է միանձնյա ելույթներում: 1999թ. պատանեկան Ռոլան Գարոսի մրցաշարի եզրափակչի մասնակից է, 1999թ. Ուիմբլդոնի պատանեկան առաջնության հաղթող է զուգախաղում (Գիլերմո Կորիայի հետ):

2002թ. 20 տարեկանում Դ.Նալբանդյանը դարձավ Ուիմբլդոնի եզրափակչի մասնակից, որտեղ տանուլ տվեց ավստրալացի Լեյթոն Հյուիթին: Դրանից հետո նա ընդգրկվեց 50 լավագույն թենիսիստների ATR վարկանիշային ցուցակում եւ «տարվա մարզիկ» հայտարարվեց Արգենտինայում: Նալբանդյանի գլխավոր նվաճումը նրա ելույթն է Շանհայում 2005թ., որտեղ նա հայտնվեց պատահաբար այլ թենիսիստների հրաժարվելու արդյունքում, որոնց վարկանիշը իրենից բարձր էր:

Անհաջող 2007թ. Նալբանդյանը նահանջեց, հայտնվելով երրորդ տասնյակում, սակայն կարողացավ ավարտել սեզոնը, հաղթելով «Մասթերս» շարքի 2 աշնանային մրցաշարերեում` Մադրիդում եւ Փարիզում, կարողանալով հաղթել աշխարհի առաջին եւ երկրորդ ռակետներին` Ռոժե Ֆեդերերին ու Ռաֆայել Նադալին:

Միայն Նալբանդյանը, Ֆեդերերը, Նովակ Ջոկովիչը, Մարատ Սաֆինն ու Նադալն են հասել Մեծ Սաղավարտի 4 մրցաշարերի կիսաեզրափակիչ միանձնյա խաղում:

2003-07թթ. Նալբանդյանը 5 տարի անընդմեջ ավարտել է տարին համաշխարհային վարկանիշի առաջին տասնյակում