  Մարի Յովանովիչ. Հայ-թուրքական հաշտեցման գործընթացը ԱՄՆ համար առաջնահերթ ուղղություն է 25 մարտի 2010 - 18:20 AMT PanARMENIAN.Net - Հայաստանի եւ Թուրքիայի քաղաքացիական հասարակությունների միջեւ կապերն ու հաղորդակցությունն անհրաժեշտ է հայ-թուրքական հաշտեցման համար: Այդ մասին Երեւանում հայ-թուրքական փորձագիտական քննարկումների ժամանակ հայտնեց GPoT (Global political trends center) թուրքական կենտրոնի տնօրեն Մենսուր Աքգյունը:Հայաստանում ԱՄՆ դեսպան Մարի Յովանովիչն իր հերթին հայտնեց, որ հայ-թուրքական հարաբերությունների կարգավորման գործընթացը Միացյալ Նահանգների համար առաջնահերթ ուղղություն է: «Հայ-թուրքական հարաբերությունների կարգավորման քաղաքական գործընթացն առայժմ մարտահրավեր է, սակայն Հայաստանի եւ Թուրքիայի քաղաքացիական հասարակության ներկայացուցիչները կարեւոր դեր են խաղում հայ եւ թուրք ժողովուրդների մերձեցման գործընթացում: Երկու երկրների քաղաքական առաջնորդներն արդեն համարձակ քայլեր են կատարել այդ ուղղությամբ, սակայն քաղաքացիական հասարակության ներկայացուցիչները կարող են օգնել նրանց` կատարելու մնացած քայլերը»,- ասաց Մարի Յովանովիչը: Հայ-թուրքական փորձագիտական քննարկումները տեղի կունենան մարտի 25-ին եւ 26-ին Երեւանում: Այդ քննարկումները USAID կողմից ֆինանսավորվող «Հայ-թուրքական հարաբերությունների կարգավորման հետագա քայլերը» նախագծի մի մասն են: Այդ նախագիծը նպատակ է հետապնդում կապեր հաստատել եւ զարգացնել փոխըմբռնումը հայ եւ թուրք ոչ կառավարական, լրատվական եւ գործարար օղակների ներկայացուցիչների միջեւ:    Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
