Թուրք փաստաբանը պահանջում է ճանաչել Հայոց ցեղասպանությունը31 մարտի 2010 - 14:32 AMT PanARMENIAN.Net - Քաղաքացիական գործերով թուրքական դատարան է դիմել փաստաբան Բենդալ Ջելիլ Էզմանը, որը պահանջել է ճանաչել Հայոց ցեղասպանությունը: Փաստաբանի հայցում պահանջվում է մեղավոր ճանաչել Թալաաթ փաշային եւ նրա կողմնակիցներին եւ վերանվանել Թալաաթ անունը կրող փողոցներն ու պուրակները, հաղորդում է Haberiturk-ը: Թուրք փաստաբանը պահանջում է, որպեսզի հետաքննություն անցկացվի մարդկության հանդեպ հանցագործության եւ հանցանք կատարած մարդուն կամ հանցագործությունը գովերգելու մասին Թուրքիայի ՔՕ հոդվածներով: «Թուրքիայում առաջին անգամ է տեղի ունենալու այդպիսի դատ: Թուրքիան պետք է հաշիվ տա իրեն իր անցյալի համար: Եթե ինձ հետ ինչ-որ բան պատահի, ուրեմն այդպիսին է Տիրոջ կամքը»,- ասել է Էզմանը, որը մասնակցել է «Հայեր, ներեք մեզ» ինտերնետ-ակցիային: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: «Հայեր, ներեք մեզ» հանրագիր «Հայեր, ներեք մեզ» հանրագիրը Ինտերնետում տեղեկայվեց 2008 թվականի դեկտեմբերի 15-ին: Այս նախաձեռնության հեղինակներն են Ստամբուլի Բախչելիի համալսարանի պրոֆեսոր, լրագրող Չենգիզ Աքթարը, պրոֆեսոր Բաշքին Օրանը եւ Թուրքիայի ակադեմիական շրջանակների, լրագրողների եւ հասարակական գործիչների եւս 200 ներկայացուցիչներ: Հանրագրի տակ ստորագրել են մոտ 30 հազար հոգի: «Ես չեմ կարող հաշտվել Օսմանյան կայսրությունում հայերին պատուհասած աղետի եւ դրա ուրացման հետ: Ես մերժում եմ անարդարությունը, գործում եմ սեփական կամքով, կիսում եմ իմ հայ եղբայրների ու քույրերի զգացմունքներն ու ցավը եւ ներողություն եմ խնդրում նրանցից»,- ասվում է փաստաթղթում: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |