 Նաիրա Զոհրաբյան. ԵԽԽՎ ապրիլյան նստաշրջանից հետո Մևլուդ Չավուշօղլուն կայցելի Հայաստան 14 ապրիլի 2010 - 20:58 AMT PanARMENIAN.Net - Եվրոպայի խորհրդի խորհրդարանական վեհաժողովի նախագահ Մևլուդ Չավուշօղլուի հայտարարությունն այն մասին, որ պետք է հանդիպել միայն Հայաստանի և Ադրբեջանի պատվիրակությունների ներկայացուցիչների հետ ԵԽԽՎ գարնանային նստաշրջանում Լեռնային Ղարաբաղի հարցով ենթահանձնաժողովի գործունեությունը վերականգնելու համար, անհասկանալի է: Այդ մասին PanARMENIAN.Net ի թղթակցի հետ զրույցում ասել է “Բարգավաճ Հայաստան” խորհրդարանական խմբակցության ղեկավար Նաիրա Զոհրաբյանը: Նրա խոսքերով, ավելի ճիշտ կլիներ, եթե այդ հանդիպմանը ներկա լինեին բոլոր կողմերի պատվիրակությունները, քանի որ բոլորն էլ ասելիք ունեն: “Ես չեմ հասկանում Չավուշօղլուի ձգտումը վերականգնել Լեռնային Ղարաբաղի հարցով ենթահանձնաժողովի ստեղծումը, մենք դեմ ենք, որ ղարաբաղյան հակամարտության քննարկումը ԵԱՀԿ ՄԽ-ից տեղափոխվի ուրիշ հարթություն”,- ասել է նա: Զոհրաբյանը նաև չի պատկերացնում, թե ինչ մանդատ է ունենալու նոր ենթահանձնաժողովը, բայց հայկական կողմը կտրականապես հանդես է գալիս այդ հանձաժողովում ղարաբաղյան հիմնահարցը քննարկելու դեմ: “Եթե Չավուշօղլուն այդպես հետաքրքրվում է Լեռնային Ղարաբաղով, ապա թող ենթահանձնաժողովը զբաղվի ԼՂՀ մարդասիրական օգնության և մարդու իրավունքների հարցերով”,- ասել է Զոհրաբյանն, ավելացնելով, որ Լեռնային Ղարաբաղի հարցով ենթահանձնաժողով ստեղծելու մտադրության մասին Չավուշօղլուն խոսել է դեռ ԵԽԽՎ հունվարյան նստաշրջանի ժամանակ: Նա նաև նշեց, որ ապրիլյան նստաշրջանից հետո Չավուշօղլուն ժամանելու է Հայաստան: Նաիրա Զոհրաբյանը հաղորդեց, որ ԵԽԽՎ գարնանային նստաշրջանը տեղի է ունենալու ապրիլի 26-30-ը: Նրա խոսքերով, նստաշրջանի օրակարգում Հայաստանին վերաբերվող հարցեր չեն լինելու, բայց նա “Կանանց իրավունքները կոնֆլիկտային և հետկոնֆլիկտային տարածաշրջաններում” թեմայով զեկույց է պատրաստում, որի ընթացքում ներկայացնելու է, թե ինչ դաժան փորձությունների են ենթարկվել հայ կանայք և երեխաները հայկական Մարաղա գյուղում 1992թ. ղարաբաղյան հակամարտության ընթացքում: Հունվարի 13-ին Մևլուդ Չավուշօղլուն Ադրբեջանում հանդիպում է անցկացրել այդ երկրի խորհրդարանականների հետ: Նա հայտարարել է Լեռնային Ղարաբաղի հարցով ենթահանձնաժողով ստեղծելու անհրաժեշտության մասին:    Արցախի Հանրապետություն 1923թ., հաշվի չառնելով Լեռնային Ղարաբաղի բնակչության կարծիքը, ՌԿԿ(բ) Կովկասի բյուրոյի որոշմամբ Ադրբեջանական ԽՍՀ կազմում ստեղծվեց Լեռնային Ղարաբաղի ինքնավար մարզ:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
