Հայ-եգիպտական միջկառավարական հանձնաժողովի նիստը տեղի կունենա սեպտեմբերին Երևանում15 ապրիլի 2010 - 18:30 AMT PanARMENIAN.Net - ՀՀ փոխվարչապետ, տարածքային կառավարման նախարար, Հայ-եգիպտական միջկառավարական համատեղ հանձնաժողովի համանախագահ Արմեն Գևորգյանն այսօր ընդունել է Հայաստանում Եգիպտոսի Արաբական Հանրապետության արտակարգ և լիազոր դեսպան Վահիդ ալ-դին Իսմայիլ Ջալալին: Ինչպես հաղորդում է ՀՀ Տարածքային կառավարման նախարարությունը, զրուցակիցները քննարկել են միջկառավարական հանձնաժողովի նիստի անցկացմանը վերաբերող հարցեր: Դեսպանը փոխվարչապետին է փոխանցել հանձնաժողովի նիստը սեպտեմբերին Երևանում անցկացնելու եգիպտական կողմի առաջարկությունը, ինչը հավանության է արժանացել: Առաջարկվել է նաև մինչ հանձնաժողովի նիստը կազմակերպել գործարար համաժողով, որպեսզի գործարարները հստակեցնեն համագործակցության ոլորտներն ու ուղղությունները: Նախնական պայմանավորվածություն է ձեռք բերվել այն կազմակերպել օգոստոս-սեպտեմբերին: Նշվել է, որ եգիպտական կողմը հեռանկարային է համարում կապի, հեռահաղորդակցության, տեղեկատվական տեխնոլոգիաների, զբոսաշրջության, դեղարտադրության ոլորտներում համագործակցությունը, ինչպես նաև Կահիրեի արվարձաններից մեկում հաջողությամբ իրագործված "Smart village"-ի գաղափարը Հայաստանում իրականացնելու հնարավորությունը: Ա. Գևորգյանը ևս նշված ոլորտները համարել է հեռանկարային` ավելացնելով, որ հայկական կողմը շահագրգռված է Եգիպտոսի հետ ընդլայնելու և խորացնելու ավանդաբար ձևավորված բարեկամական հարաբերությունները: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |