Երևանում բացվեց Էդուարդ Խարազյանի, Ռոբերտ Էլիբեկյանի և Արա Շիրազի աշխատանքների համատեղ ցուցահանդեսը16 ապրիլի 2010 - 20:32 AMT PanARMENIAN.Net - Ապրիլի 16-ին Երևանում` Ժամանակակից արվեստի թանգարանում, բացվեց հայ նկարիչներ Էդուարդ Խարազյանի, Ռոբերտ Էլիբեկյանի և քանդակագործ Արա Շիրազի աշխատանքների համատեղ ցուցահանդեսը: Ցուցահանդեսը բաց կլինի մինչև մայիսի 16-ը: Այն նվիրված է թանգարանի հիմնադիր Հենրիկ Իգիթյանի հիշատակին, որը կյանքից հեռացավ մեկ տարի առաջ: "Ընկերների հետ համատեղ ցուցահանդեսն իմ ցանկությունն էր: Ես համատեղ ցուցահանդեսի կողմնակից եմ, որովհետև հենց այստեղ են գաղափարներ ծնվում: Բացի դրանից, այս ցուցահանդեսը պարզապես հաճույք է պատճառում ինձ, քանի որ չկա մրցակցության զգացողություն, ամեն ինչ ներդաշնակության մեջ է: Ցուցահանդեսը ևս մեկ անգամ կհիշեցնի մեր մասին մեր արվեստը գնահատողներին",- նշել է Էդուարդ Խարազյանը PanARMENIAN.Net ի թղթակցի հետ զրույցում: Նրա խոսքով, ցուցահանդեսում ներկայացված են իր վերջին տարիների աշխատանքները: "Ես հուսով եմ, որ բոլոր հանդիսատեսները միայն դրական զգացողություններ կունենան: Եվ իմ կտավներում կտեսնեն այն լույսը, որը ես տեսնում եմ ամենուրեք",- ամփոփեց նա: Ռոբերտ Էլիբեկյանն իր հերթին նշեց. "Ցուցահանդեսն աստիճանաբար էր հասունանում: Սրանք երեք տարբեր մարդկանց աշխատանքներ են: Դրանք ներդաշնակորեն լրացնում են միմյանց": Արա Շիրազը նույնպես իր ուրախությունը հայտնեց համատեղ ցուցահանդեսի անցկացման առիթով: "Ես շատ ուրախ եմ, որ կան արվեստասերներ, որոնք զանազանում և գնահատում են բարձրորակ արվեստը, և կան արվեստի գործիչներ, որոնք շարունակում են աշխատել` չկորցնելով նպատակն ու էությունը",- ասաց նա: Խարազյանի, Էլիբեկյանի և Շիրազի աշխատանքների` Պողոս Հայտայանի կողմից կազմված և ավելի վաղ հրատարակված կատալոգը հիմք ծառայեց սպասվող ցուցահանդեսի ցուցադրության համար: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |