Էդուարդ Ափրամյան. Այն ուժերը, որոնք չեն կարող պաշտպանել ջավախահայերի շահերը, չեն կարողանա պաշտպանել նաև ՀՀ քաղաքացիներին19 ապրիլի 2010 - 16:04 AMT PanARMENIAN.Net - Ապրիլի 20-ին 15:00-ին Ազգային նոր պաhպանողական շարժումը (ԱՆՊՇ) հանրահավաք կանցկացնի ՀՀ Վրաստանի դեսպանատան շենքի մոտ, որն ուղղված է Ջավախքի և Քվեմո Քարթլիի հայկական հասարակական կազմակերպությունների խորհրդի աջակցությանը` մայիսին Վրաստանում կայանալիք տեղական ինքնակառավարման մարմինների ընտրությունների շեմին: Այդ մասին Երևանում կայացած մամլո ասուլիսում հայտարարել է Հայաստանի Ազգային նոր պաhպանողական շարժման առաջնորդ Էդուարդ Ափրամյանը: Ըստ Ափրամյանի, Ջավախքի և Քվեմո Քարթլիի հայկական հասարակական կազմակերպությունների խորհուրդը միակ կազմակերպությունն է, որն արծարծում է տարածաշրջանի հայերի ազգային խնդիրները, որի պատճառով Վրաստանի իշխանությունները ճնշում են գործադրում կազմակերպության հանդեպ: “Հանրահավաքի նպատակն է ցույց տալ ինչպես Ջավախքի հայերին, այնպես էլ Վրաստանի իշխանություններին, որ վերոհիշյալ կազմակերպությունը մեծ աջակցություն ունի հայկական հասարակական և քաղաքական ուժերի շրջանում”,-ասել է նա: Ափրամյանը նշել է նաև, որ իրենց ակցիային 8 կուսակցություն է միացել (այդ թվում նաև ՀՅԴ-ն, Հնչակյան Սոցիալ-դեմոկրատական կուսակցությունը, Ժողովրդական կուսակցությունը, “Հզոր հայրենիք” կուսակցությունը) և 48 հասարակական կազմակերպություններ: Նա նաև կոչ է արել Հայաստանի բոլոր քաղաքական ուժերին մասնակցել հանրահավաքին, քանի որ, ըստ նրա, այն ուժերը, որոնք չեն կարող պաշտպանել ջավախահայերի շահերը, չեն կարողանա պաշտպանել նաև ՀՀ քաղաքացիներին: Պատասխանելով PanARMENIAN.Net ի թղթակցի այն հարցին, թե արդյոք ՀՀ քաղաքական ուժերի աջակցությունը լրացուցիչ ճնշումների առիթ չի հանդիսանա վրաց իշխանությունների համար` նա ասել է, որ աջակցությունը միայն օգտակար կլինի և կկասեցնի Վրաստանի ղեկավարության հնարավոր ճնշումը: Ինչպես նշել է Ափրամյանը, մինչ այժմ Հայաստանի ղեկավարությունը բավարար ուշադրություն չէր դրաձնում Ջավախքի հայերի խնդիրներին, ինչը նեղ մտածողության ու այսպես կոչված բիզնեսի շահերի արդյունք է: “Մեր իշխանությունները պետք է գիտակցեն, որ Վրաստանում կա կոմպակտ բնակվող հայ համայնք, որը կարող է ճնշման գործոն հանդիսանալ այդ երկրի նկատմամբ: Սակայն այս պահի դրությամբ, մենք հակառակն ենք տեսնում`Վրաստանն է օգտագործում հայ համայնքի առկայությունն որպես Հայաստանի հանդեպ ճնշման գործոն”,-ասել է նա: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Սալիվանն ու Քըլըչը կարևորել են ՀՀ և Ադրբեջանի միջև խաղաղության պայմանագրի ստորագրումը Նրանք նաև ողջունել են հարաբերությունների բարելավումը Հունաստանի և Թուրքիայի միջև Պետրակով․Ակնկալում եմ, որ Սլովենիայի հետ հանդիպմանը լավ ստուգողական խաղ ցույց կտանք «Որևէ դժգոհություն չունեմ տղաներից»,–ասել է նա Հենաշարժողական խնդիրներով անձանց համար Երևանի 9 հասցեում հատուկ վերելակներ կտեղադրվեն Մայրաքաղաքում նախատեսվում է կառուցել մոտ 500 թեքահարթակ Ռյաբկով․ ՌԴ-ին արևմտյան զենքերով հարվածելու դեպքում հետևանքները կարող են ճակատագրական լինել Նա կոչ է արել ԱՄՆ–ին չթերագնահատել այն պատասխանի լրջությունը, որը կարող են ստանալ |