Եգիպտոսում հարգել են Հայոց ցեղասպանության զոհերի հիշատակը26 ապրիլի 2010 - 11:52 AMT PanARMENIAN.Net - Հայոց ցեղասպանության 95-րդ տարելիցի հիշատակի և ոգեկոչման արարողությունների մեկնարկը Եգիպտոսի մայրաքաղաք Կահիրեում տրվեց ապրիլի 24-ի առավոտյան: Սուրբ Գրիգոր Լուսավորիչ եկեղեցում մատուցվեց Սուրբ Պատարագ և հոգեհանգիստ, որին հաջորդեց ծաղկեպսակների զետեղումը եկեղեցու բակում տեղադրված Հայոց Մեծ եղեռնի զոհերի հիշատակին կանգնեցված խաչքարին: Երեկոյան Հելիոպոլսի Պըլըքտանյան հանդիսասրահում տեղի ունեցավ հուշահանդես` կազմակերպված եգիպտահայ համայնքի բոլոր միությունների համատեղ ջանքերով: Բացման խոսքով հանդես եկավ Եգիպտոսում ՀՀ դեսպան Ա.Մելքոնյանը, որն իր ելույթում մասնավորապես անդրադարձ կատարեց Հայաստանի որդեգրած դիրքորոշմանը հայ-թուրքական կարգավորման գործընթացի շուրջ: Հուշ-երեկոյի ժամանակ եգիպտահայ գաղութի երգչախմբերը կատարեցին հայրենասիրական խմբերգեր: Երեկոն եզրափակվեց “Հայոց ցեղասպանություն” անգլերեն լեզվով փաստագրական ֆիլմի ցուցադրությամբ: Նախօրեին լույս է տեսել Կահիրեում ՀՀ դեսպանության “Ալ-Ախբար Արմենիա” արաբալեզու պարբերականը, որտեղ եգիպտացի ընթերցողին են ներկայացվել բացատրական մանրամասներ Հայոց ցեղասպանության վերաբերյալ, ինչպես նաև ՀՀ նախագահ Սերժ Սարգսյանի` մարտի 24-ի Դեր Զորի ելույթի արաբերեն թարգմանությունը, հաղորդում է ՀՀ ԱԳՆ մամլո ծառայությունը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |