  Գեղամ Խալաթյան. “Մեծ եղեռն տերմինը նշանակում է Հայոց ցեղասպանություն, որն իրականացվել է Օսմանյան կայսրությունում` 1915-23 թթ.” 30 ապրիլի 2010 - 17:01 AMT PanARMENIAN.Net - “Ես հայ եմ, բայց ինձ խաբված չեմ համարում, որովհետև, իմ կարծիքով, ապրիլի 24-ին Բարաք Օբամայի ուղերձում արտահայտված էր այն ամենը, ինչ նա խոստացել էր նախընտրական շրջանում: Օբամայի ուղերձը քաղաքական փաստաթուղթ է և ունի բարոյական, այլ ոչ իրավական նշանակություն”, - հայտարարել է Ռուսաստանի հայերի միության փոխնախագահ Գեղամ Խալաթյանը: Նրա կարծիքով, Օսմանյան կայսրությունում հայերի հետ տեղի ունեցածին մեկ մարդու տված գնահատականը, երբեք իրավական հետևանք չի կարող ունենալ, նույնիսկ եթե նա ԱՄՆ նախագահն է, և անկախ այն բանից, թե նա ի՞նչ լեզվով է այդ գնահատականը տալիս: Ուղերձը ոչ օրենքի ուժ ունի, ոչ էլ պարտավորեցնող բնույթի որևէ չափորոշիչ ակտ է: Նա նաև նշել է, թե անհնար է պատկերացնել, որ աշխարհը առաջնորդող երկրի նախագահը, որի տրամադրության ներքո են փորձագետների և օգնականների մի ամբողջ բանակ, կարող է պարզապես բացթողում անել և “ցեղասպանություն” բառը գրելու ցանկություն չունենալով` գրել դրա համարժեքը` հասու չլինելով բառի նշանակությանը: “Այդպիսի ենթադրություն անել չի կարելի նաև այն պատճառով, որ այն ժամանակների իրադարձությունների ողջ գործընթացը նրա ուղերձում միանշանակ նկարագրված է որպես ցեղասպանություն: Այդ պատճառով “Մեծ եղեռն” տերմինն այդ համատեքստում, որը համարժեք արտահայտությունն է ցեղասպանություն բառի, միանգամայն բնական է: Եվ ամենակարևորը. ակնհայտ էր, որ Բարաք Օբաման, որպեսզի իր դիրքորոշման վերաբերյալ տարբեր մեկնաբանությունների առիթ չտա, մի քանի անգամ կրկնում էր, որ իր հայացքներն ու գնահատականներն այդ հարցում մնացել են անփոփոխ: Դա միանգամայն հստակորեն ցույց է տալիս, որ նա նախագահ դառնալով, նույն դիրքորոշումն ունի, ինչ որ նախընտրական ժամանակաշրջանում, երբ արտահայտվում էր անգլերեն տերմիններով: Ասվածից հետևում է, որ մենք բոլոր հիմքերն ունենք հաստատելու, որ Մ.Նահանգների նախագահը միևնույն աստիճանին է կանգնած այն երկրների, կառույցների և գործիչների հետ, որոնք ընդունում են 1915-23 թթ. Օսմանյան կայսրությունում իրականացված Մեծ եղեռնի` Հայոց ցեղասպանության փաստը և դատապարտում է դրա կազմակերպիչներին”, - գտնում է ՌՀՄ փոխնախագահը: Գեղամ Խալաթյանը հայտարարել է, որ աշնանը ԱՄՆ Կոնգրեսում հարցի քննարկումներն ու նախագահի վարչակազմի դիրքորոշումն այդ ընթացքում ցույց կտան, թե բարոյականությունն ինչ ազդեցություն ունի ԱՄՆ իշխանությունների օրինաստեղծ գործունեության վրա: “Ամեն դեպքում, Մեծ եղեռնի հետևանքները վերացնելու և այդ հարցում արդարության հասնելու հարցում մենք` հայերս ամենից առաջ պետք է մեզ վրա հույս դնենք”, - ընդգծել է նա:
   Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Սյուժե Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
