  Deep Purple. Պետք չէ սպասել մի բանի, ինչ երբեք չի լինելու 24 մայիսի 2010 - 17:29 AMT PanARMENIAN.Net - Ավստրալիայում աշխատանքներ են ընթանում ՀՀ Պետական ֆիլհարմոնիկ նվագախմբի հետ Յան Գիլանի երևանյան համերգի ձայնագրության մոնտաժման ուղղությամբ: Այդ մասին հայտարարել է լեգենդար Deep Purple ռոք-խմբի ղեկավար Յան Գիլանը մայիսի 24-ին Երևանում տեղի ունեցած մամլո ասուլիսում: «Ես նվագել եմ Պետերբուրգի, Լոնդոնի սիմֆոնիկ նվագախմբերի հետ, սակայն երևանյան համերգը լավագույնն էր»,-հայտարարել է Յան Գիլանը: Նա հաղորդել է նաև, որ Ավստրալիայում ընթացող աշխատանքների մասին շուտով կիմանան Հայաստանում: Ըստ Deep Purple-ի մասնակիցների, երիտասարդ երաժիշտների համար ամենակարևորը նվագելու հնարավորությունն է և դրանով զբաղվելու համար տեղ ունենալը: «Երբ մենք երիտասարդ էինք , Անգլիայի յուրաքանչյուր փաբում ետնասենյակ կար, որտեղ ամեն հինգշաբթի, ուրբաթ և կիրակի մենք նվագում էինք: Ցավոք, շատ երկրներում երաժիշտները նման հնարավորություն չունեն»,-ասել է Յան Գիլանը: Լրագրողների այն հարցին, թե երբ կարելի է սպասել խմբի նոր խտասկավառակի թողարկման, «փարփլները» պատասխանել են.« Պետք չէ սպասել մի բանի, ինչ երբեք չի լինելու»: Deep Purple –ի համերգը տեղի կունենա մայիսի 25-ին Կարեն Դեմիրճյանի անվան մարզահամերգային համալիրում: Համերգի կազմակերպիչներն են «Վիբրոգրաֆուս»» ընկերությունը և «ՀայՌուսգազարդ» ՓԲԸ-ն: Խումբը ժամանել է օրիգինալ կազմով, որով հանդես է գալիս 1996 թվականից ի վեր` Յան Գիլան, Ռոջեր Գլովեր, Յեն Փեյս, Սթիվ Մորս, Դոն Էյրի:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
