 Ստեփան Դեմիրճյան. Հայաստանի իշխանությունների գլխավոր խնդիրն է թույլ չտալ, որ ընդդիմությունը միջոցառումներ կազմակերպի 2 հունիսի 2010 - 14:37 AMT PanARMENIAN.Net - Հայաստանի իշխանություններն իրենց առջև խնդիր են դրել` թույլ չտալ ընդդիմությանը միջոցառումներ կազմակերպել Ազատության հրապարակում: Այդ մասին են վկայում վերջին իրադարձությունները, երբ կասեցվեցին ՀԱԿ-ի ակցիաները, իսկ երեք ակտիվիստ դեռևս ձերբակալված է: Այդ մասին Երևանում կայացած մամլո ասուլիսում հայտարարել է ՀԺԿ նախագահ Ստեփան Դեմիրճյանը: Ըստ Դեմիրճյանի, ՀՀ ղեկավարությունը լավատեղյակ է, որ հանրության շրջանում դժգոհություն կա, սակայն ոչինչ չի ձեռնարկում խնդիրները լուծելու համար: «Ընդդիմության ակցիաները թույլ չտալու փոխարեն ՀՀ իշխանությունները առկա խնդիրների լուծման համար պետք է ազատ արձակեն բոլոր քաղբանտարկյալներին ու արտահերթ ընտրություններ անցկացնեն»,-ասել է Դեմիրճյանը: Նա հավելել է, որ նման պայմաններում սխալ կլինի խոսել ներքաղաքական կայունության մասին, քանի որ Հայաստանում անտարբերությունը շփոթում են կայունության հետ: Ինչպես նշել է Դեմիրճյանը, ազատ ու արդար ընտրությունների համար առաջին հերթին անհրաժեշտ է իշխանությունների քաղաքական կամքը, ոչ թե իդեալական Ընտրական օրենսգիրք: Նա հավելել է, որ ընդդիմությունը չի ցանկանում, որ Հայաստանում խնդիրները լուծվեն «ղրղզական տարբերակով», այլ ձգտում է ձևավորել ժողովրդավարական իշխանափոխության ավանդույթ: Պատասխանելով լրագրողների այն հարցին, թե ինչ ձևաչափով կմասնակցի ընդդիմությունը արտահերթ ընտրությունների դեպքում` Դեմիրճյանն ասել է, որ քանի որ ՀԱԿ-ը ձգտում է վերականգնել սահմանադրական կարգը, ապա նրանք հանդես կգան միասնական ճակատով:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
