  ՀՀ կառավարության ներդրումային ծրագրի շնորհիվ կստեղծվի մոտ 750 աշխատատեղ 8 հունիսի 2010 - 14:10 AMT PanARMENIAN.Net - Համաշխարհային տնտեսական ճգնաժամի հետևանքները մեղմելու համար ՀՀ կառավարությունը կիրառել է մի շարք մեխանիզմներ, որոնցից մեկը 2009թ. ապրիլին ՀՀ կառավարության նախաձեռնությամբ ՀՀ ԱԺ կողմից ընդունված «Ավելացված արժեքի հարկի մասին» ՀՀ օրենքում փոփոխություններ կատարելու մասին ՀՀ օրենքն է, որով հնարավորություն է ստեղծվել ներդրումային ծրագրերի շրջանակներում 300 մլն դրամ և ավելի ներդրում կատարելու դեպքում ընկերությունների կողմից վճարվելիք ավելացված արժեքի հարկի գումարների վճարման ժամկետները հետաձգել 3 տարով: «Արդյունքում այսօր արդեն 8 ընկերություններ արդյունավետ օգտվում են այդ առավելություններից»,- ասել է ՀՀ էկոնոմիկայի նախարարի տեղակալ Արա Պետրոսյանը ՀՀ կառավարության մամլո կենտրոնում: Այդ ընկերությունների շարքում են «Նատֆուդ», «Շամբ»,«Բիզնես», «Յուքոմ», «Արաքս թռբնչնաֆաբրիկա», «Իստեյետ մենեջմենթ ադմինիսթրեյշն քամփթնի», «Գոլդեն գրեյպ արմաս», «Բիգա», «Սարանիստ» ընկերությունները: Նրա խոսքերով, հավանության արժանացած ծրագրերի ընդհանուր կանխատեսովող ներդրումները կազմում են մոտ 51.5 ԱՄՆ դոլար, իսկ այդ ներդրումների շնորհիվ կստեղծվեն մոտ 750 նոր աշխատատեղեր: Նա նաև հաղորդեց, որ այդ ընկերությունները հաստատված օրինական կարգով դիմել են կառավարությանը և հավաքելով անհրաժեշտ միավորներ, հնարավորություն են ստացել օգտագործել վերոնշյալ առավելությունները: Ընկերությունների ներկայացրած հիմնական պայմաններից են նոր աշխատատեղերի ստեղծումը, արտահանման ուղղվածությունը ներմուծման փոխարինման նպատակով: Արդյունքում օգտվելով ԱԱՀ վճարի հետաձգումից` ընկերություններին հաջողվել է ընդլայնել և վերազինել իրենց արտադրությունը, ինչպես նաև կիրառել ժամանակակից տեխնոլոգիաներ: Արա Պետրոսյանը հայտնեց, որ նշված ընկերությունների ծրագրերն առնչվում են տարբեր, մասնավորապես, սննդարդյունաբերության, զբոսաշրջության, ինչպես նաև հեռահաղորդակցության ոլորտներին: Դրա հետ կապված նա ավելացրեց, որ ՀՀ էկոնոմիկայի նախարարության կողմից պարբերաբար իրականացնում է ծրագրերի դիտարկում: Այդ ծրագրերի արդյունքներն արդեն գերազանցել են ակնկալիքները:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
