Տիգրան Սարգսյանը կարևորել է Հայաստանի ու Իրանի միջև տնտեսական համագործակցության խորացումը22 հունիսի 2010 - 17:25 AMT PanARMENIAN.Net - Հայաստանի վարչապետ Տիգրան Սարգսյանն այսօր ընդունել է Իրանի Իսլամական Հանրապետության գործարարների պատվիրակությանը, որոնք Երևանում են գտնվում կազմակերպված հայ-իրանական գործարար համաժողովի շրջանակներում։ Ինչպես հաղորդում է կառավարության մամլո ծառայությունը, հանդիպմանը ներկա էին Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Ալի Սաղայիան և Հայաստան–Իրան Առևտրաարդյունաբերական Պալատի պատվավոր նախագահ Լևոն Ահարոնյանը։ Բարձր գնահատելով Հայաստանի Հանրապետության և Իրանի Իսլամական Հանրապետության միջև ծավալված քաղաքական համագործակցության մակարդակը` վարչապետը կարևորել է տնտեսական համագործակցության խորացումը և առկա ներուժի լիարժեք օգտագործումը։ Հանդիպման ընթացքում զրուցակիցներն անդրադարձել են հունիսի 18-ին Զարգացման հայկական գործակալության հետ համատեղ կազմակերպված գործարար համաժողովի արդյունքներին։ Իրանցի գործարարները տեղեկացրել են, որ համաժողովում քննարկվել են Հայաստանի ներդրումային ու հայ-իրանական առևտրատնտեսական հարաբերությունների զարգացման հնարավորությունները և հեռանկարները։ Փոխադարձաբար կարևորվել է գործարար համաժողովների պարբերաբար կազմակերպումը` նպատակաուղղված երկու երկրների մասնավոր հատվածների միջև տնտեսական կապերի աշխուժացմանը։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | «ՍոֆթԿոնստրակտ» ՓԲԸ-ն շաբաթօրյակ է արել «Ջրվեժ» անտառպարկում Անտառպարկում կտեղադրվեն նաև ժամանակակից նստարաններ և տեսակավորման աղբարկղեր ՆԳՆ-ն հորդորում է հավաքի մասնակիցներին զերծ մնալ հասարակական կարգի խախտումներից Կոչ է արվում հարգել համաքաղաքացիների իրավունքները ԱԱԾ–ն հորդորել է ընդդիմադիր շարժման աջակիցներին պահպանել օրինականությունը Նշվում է, որ ոչ իրավաչափ ցանկացած վարքագիծ չեզոքացվելու է ՔԿ–ն մանրամասներ է հայտնել Աջափնյակում սպանության մասին․ Կա նաև վիրավոր Նշանակվել են համապատասխան փորձաքննություններ |