Հայաստանն ու Ադրբեջանը տարբեր կերպ են մեկնաբանում Մադրիդյան սկզբունքները

Հայաստանն ու Ադրբեջանը տարբեր կերպ են մեկնաբանում Մադրիդյան սկզբունքները

PanARMENIAN.Net - Ամառը Հայաստանի խորհրդարանում ներկայացված բոլոր քաղաքական ուժերի համար նախապատրաստական շրջան է ՀՀ ԱԺ աշնանային նստաշրջանից առաջ: Ամռան ընթացքում ՀՅ Դաշնակցության հիմնական գործունեությունը սոցիալ-տնտեսական բնույթ է կրելու: Այդ մասին այսօր Երևանում կայացած մամլո ասուլիսում հայտնել է ՀՅ Դաշնակցության (ՀՅԴ) խորհրդարանական խմբակցության ղեկավար Վահան Հովհաննիսյանը:

Հովհաննիսյանի խոսքով, ելնելով ՀՀ նախագահի հայտարարությունից այն մասին, որ եթե Մադրիդյան սկզբունքները չաշխատեն, ապա կարող են կիրառվել ղարաբաղյան հակամարտության այլ լուծումներ, ամռանը կարելի է նոր գործընթացներ ակնկալել ղարաբաղյան կարգավորման հարցում: «Այդ հայտարարությունը ցույց է տալիս, որ Հայաստանը Մադրիդյան փաստաթուղթն ընկալում է միայն որպես սկզբունքների ամբողջություն, որոնց հիման վրա ընթանալու են բանակցությունները, իսկ ադրբեջանական կողմն այդ սկզբունքներն ընկալում է որպես վերջնական որոշում: Նշանակում է` հայկական կողմը վատ է բացատրել իր դիրքորոշումը, ինչն էլ Ադրբեջանի շահարկումների առիթ է դարձել»,- ասել է Հովհաննիսյանը: ՀՅԴ խմբակցության ղեկավարն ավելացրել է, որ ինքը ողջունում է նախագահի վերոնշյալ հայտարարությունը:

 Ուշագրավ
Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ
Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված
---