Բակո Սահակյան. Էներգետիկան ԼՂՀ զարգացման ռազմավարական ուղղություններից մեկն է26 հուլիսի 2010 - 17:25 AMT PanARMENIAN.Net - Հուլիսի 24-ից 25-ը նախագահ Բակո Սահակյանն աշխատանքային այցով գտնվում էր հանրապետության Մարտակերտի և Շահումյանի շրջաններում: Մարտակերտի շրջանում Բակո Սահակյանն այցելել է Մադաղիսի, Սարսանգի, «Թրղե-1» և կառուցվող «Թրղե-2» հիդրոէլեկտրակայաններ և տեղում ծանոթացել իրականացվող աշխատանքներին: Հաթերք գյուղի մոտ տեղակայված դաշտային շտաբ-ճամբարում երկրի ղեկավարը խորհրդակցություն է հրավիրել հանրապետության էներգետիկայի բնագավառի զարգացման հարցերի շուրջ: Զեկույցներով հանդես են եկել ԿԱ արտադրական ենթակառուցվածքների վարչության պետ Կառլեն Պետրոսյանը և «Արցախ ՀԷԿ» ընկերության գործադիր տնօրեն Վահրամ Բեգլարյանը: Նախագահը կարևորել է էներգետիկայի բնագավառը` այն համարելով մեր երկրի զարգացման ռազմավարական ուղղություներից մեկը, և ընդգծել այդ ոլորտում կադրերի պատրաստման հիմնախնդրի նշանակությունը` որպես դրա առաջընթացի ապահովման գրավական: Նույն օրը նախագահն այցելել է ղարաբաղա-ադրբեջանական սահմանի հյուսիսային հատվածը: Արցախի Հանրապետության զինված ուժերի գերագույն գլխավոր հրամանատարը կարևորել է հյուսիսային հատվածի նշանակությունը երկրի սահմանների անվտանգության ապահովման գործում, և ընդգծել, որ իշխանությունները այսուհետ ևս ամեն ինչ կանեն պաշտպանության բանակի մարտունակությունը բարձր պահելու համար: Երկրի ղեկավարը արժեքավոր նվերներ է հանձնել մի շարք սպաների և զինվորների: Հուլիսի 25-ին նախագահ Սահակյանն այցելել է Շահումյանի շրջան և Քարվաճառ շրջկենտրոնում ծանոթացել իրականացվող շինարարական աշխատանքներին: Այնուհետև հրավիրվել է աշխատանքային խորհրդակցություն: Բակո Սահակյանը նշել է, որ անհրաժեշտ է մշակել Քարվաճառ շրջկենտրոնում բնակարանաշինության նոր ծրագիր, որը դրական լիցք կհաղորդի քաղաքի զարգացմանը: Այդ համատեքստում նախագահը հատուկ ընդգծել է իրականացվող աշխատանքների բարձր որակի ապահովման անհրաժեշտությունը` նշելով, որ դրանք կլինեն իր անմիջական վերահսկողության ներքո: Նույն օրը երկրի ղեկավարն այցելել է Մեծ և Փոքր Ալ լճերի ավազանը և ծանոթացել այնտեղ նախատեսվող մի շարք ծրագրերի նախագծերին: Այնուհետև Ծար գյուղում Բակո Սահակյանը հանդիպել է համայնքի ներկայացուցիչների հետ, որից հետո այցելել այնտեղ գտնվող հանրապետական տոհմային կայան: Նախագահը նշել է, որ Շահումյանի շրջանի զարգացումը հանրապետության համար ունի ռազմավարական կարևորագույն նշանակություն: Այս համատեքստում Բակո Սահակյանը կարևորել է գյուղատնտեսության, հատկապես` անասնապահության զարգացումը, որի համար շրջանում առկա է հսկայական ներուժ: Այցելությունների ժամանակ նախագահին ուղեկցում էին վարչապետ Արա Հարությունյանը, պաշտոնատար այլ անձինք, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ընդդիմադիրներն ԱԺ արտահերթի միջնորդություն են ներկայացրել․ Սիմոնյանն ասել է՝ մերժելու են Ըստ օրենքի, եթե միջնորդությունը մերժվում է, ապա 5-րդ աշխատանքային օրը, օրենքի ուժով գումարվում է ԱԺ արտահերթ նիստ ՀՀ-ում 5 մլն դրամը գերազանցող շահումը կհամարվի խոշոր շահում և կհարկվի Նախագծով կկարգավորվի բուն շահումների հարկումը Քանի․ Իրանը դեմ է տարածաշրջանում սահմանների և ժողովրդագրության փոփոխությանը Նա այդպես է պատասխանել այսպես կոչված «Զանգեզուրի միջանցքի» մասին հարցին Սարյան-Մաշտոց հատվածում 2 անձ է դանակահարվել, դանակահարություն է եղել նաև ռեստորանի մոտ Դանակահարված անձանցից մեկը մահացել է |