Հայաստանը և Ռուսաստանն Արձանագրություն են ստորագրել տիեզերական նորարարությունների ոլորտում համագործակցության մասին17 օգոստոսի 2010 - 11:17 AMT PanARMENIAN.Net - Օգոստոսի 15-ին Հայաստանում ԱՊՀ, արտասահմանում ապրող հայրենակիցների, միջազգային մարդասիրական համագործակցության (Ռոսհամագործակցություն) գործերով Դաշնային գործակալության ներկայացուցչությունում կայացել է Արձանագրության ստորագրում մերձերկրյա տարածության և տիեզերական գոյացության համար տեխնոծին աղտոտվածության, աստերոիդ-գիսաստղային վտանգի ուսումնասիրման ոլորտում գիտատեխնիկական և նորարարական համագործակցության զարգացման և ամրապնդման վերաբերյալ: Ինչպես հայտնել են PanARMENIAN.Net ին Հայաստանում Ռոսհամագործակցության մամլո ծառայությունից, փաստաթուղթը ստորագրել են` ՀՀ ԳԱԱ նախագահ Ռ. Մ. Մարտիրոսյանը, ՀՀ կրթության և գիտության նախարարի տեղակալ Մ. Ա. Մկրտչյանը, Վիկտոր Համբարձումյանի անվան Բյուրականի աստղադիտարանի տնօրեն Ա. Վ. Հարությունյանը, Գիտությունների ռուսական ակադեմիայի Մ. Վ. Կելդիշի անվան Կիրառական մաթեմատիկայի ինստիտուտի (ԳՌԱ ԿՄԻ) ավագ գիտաշխատող Վ. Մ. Ագապովը, ԳՌԱ ԿՄԻ ավագ գիտաշխատող Ի. Ե. Մոլոտովը, «Վտանգի ուսումնասիրման միջազգային ինստիտուտ» Ինքնավար ոչ առևտրային կազմակերպության գլխավոր տնօրենի տեղակալ Վ. Ս. Շուտովը, Հայաստանում Ռուսաստանի դեսպանության խորհրդականը, Ռոսհամագործակցության ներկայացուցչության ղեկավար Վ. Վ. Կրիվոպուսկովը: Համագործակցության առարկա կդառնան աստղադիտարանում առկա ունիկալ գործիքների արդիականացման, ժամանակակից տեխնիկական միջոցներով հագեցման, ինչպես նաև աստղադիտարանի տարածքում ռուսական նոր գործիքների տեղադրման հարցերը: Նախնական տվյալներով գործիքների ստեղծման և տեղադրման համար անհրաժեշտ ֆինանսական միջոցները կկազմեն 4.5 մլն եվրո: Հանդիպման մասնակիցները նպատակահարմար են համարել միավորել ջանքերը երիտասարդության, առաջին հերթին ուսանողների, երիտասարդ գիտնականների և մասնագետների տիեզերական նորարարական կրթության ընդլայնման համար: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Ադրբեջանում գտել են կորած զինծառայողի մարմինը Հարուցվել է քրգործ Ռուբինյան․ Հենց վաղը հնարավոր եմ համարում պայմանագրի ստորագրումը, եթե Բաքվի մոտեցումը լինի կառուցողական «Այն փաստը, որ այսօր չենք ստորագրում, նշանակում է, որ տեքստն ամբողջականացված չէ»,-ասել է նա Գլենդելի քաղաքապետը կժամանի Հայաստան Նա կայցելի Երևան, Գյումրի գուցե նաև Կապան Օ՛Բրայեն. ՀՀ հետ առևտուրն ընդլայնելու, գլոբալ առևտրում երկրի մասնաբաժինը մեծացնելու հնարավորություն կա Նա նշել է, որ մաքսային ոլորտում տեղեկատվության փոխանակման մասին համաձայնագիր կստորագրվի |