Երևանում կայացել է «Լեռնային Ղարաբաղ. ինչպես է դա եղել» գրքի շնորհանդեսը 9 սեպտեմբերի 2010 - 15:15 AMT PanARMENIAN.Net - Այսօր Երևանում կայացել է «Լեռնային Ղարաբաղ. ինչպես է դա եղել» գրքի շնորհանդեսը: Գրքի հեղինակը քաղաքագետ Ալեքսանդր Մանասյանն է, խմբագիրը` Հայաստանի նախագահի աշխատակազմի տեղեկատվության և հասարակայնության հետ կապերի կենտրոնի փորձագետ Ալեն Ղևոնդյանը: Գրքում հեղինակը փորձում է պատմական, իրավական և փաստացի նյութերի և աղբյուրների հիման վրա օբյեկտիվ կերպով ներկայացնել ղարաբաղյան հակամարտության նախապատմությունը և ղարաբաղյան հակամարտության ներկա գործընթացի ձևավորման հիմքերը: Աշխատանքում հատուկ ուշադրություն է դարձվում ներկա բանակցային գործընթացին, այնպիսի կարևոր փաստարկների և հանգամանքների վերլուծությանը, որոնք պատշաճ կերպով ուշադրության չեն արժանանում, բայց որոնք կարող են արդյունավետ լինել հակամարտության կարգավորման գործընթացքում: Ինչպես նշել է Ղևոնդյանը, գրքի նպատակն է համաշխարհային հանրությանը ողջ ճշմարտությունը ներկայացնել բոլոր այն խնդիրների մասին, որոնք այս կամ այն կերպ կապված են Հայաստանի ազգային շահերի հետ: Նրա խոսքերով, դա ինքնատիպ պատասխան կդառնա Ադրբեջանի կողմից պատմությունը կեղծումներին: Նա հաղորդեց նաև, որ գիրքը թարգմանվելու է ռուսերեն, անգլերեն և պարսկերեն, իսկ հետագայում` այլ լեզուներով: «Գիրքը նախատեսված է ընթերցողների լայն շրջանակի համար: Այն տարածվելու է բուհերի, ավագ դպրոցների գրադարաններում, ինչպես նաև աշխարհի տարբեր երկրներում Հայաստանի ներկայացուցչություններում»,- ասել է Ղևոնդյանը և հավելել, որ մոտ ժամանակները հրատարակվելու է ևս մի գիրք: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Ամենաընթերցվողը բաժնում | ԱԽ քարտուղարը Դոհայում կմասնակցի Համաշխարհային անվտանգության ֆորումին Կլինեն նաև երկկողմ հանդիպումներ Կիրանցում 3 սյուն է դրվել, որոնց մոտ զինված ու դիմակավորված սահմանապահներ են Կիրանց տանող ճանապարհը շարունակում է փակ մնալ «Ֆասթ Շիֆթը» ֆինանսական գրագիտության թեմայով քննարկում է կազմակերպել Փորձագետներն ընդգծել են, որ ֆինանսական գրագիտությունը սկսվում է ընտանիքից Միրզոյանը ցավակցել է Իրանի ժողովրդին․ «Կիսելով ձեր վիշտը՝ ուժ ենք մաղթում այս մռայլ ժամանակներում» «Սարսափելի լուրեր ենք իմանում Իրանից»,–գրել է նա |