  Հայաստանի առողջապահության ոլորտի կազմակերպությունները Համագործակցության հուշագիր կնքեցին 5 նոյեմբերի 2010 - 16:24 AMTPanARMENIAN.Net - Նոյեմբերի 5-ին Երևանում «Հայկական բժշկական ասոցիացիա», «Հայկական դեղագործական ասոցիացիա» և «Հայկական հոգեբուժական ասոցիացիա» հասարակական կազմակերպությունները և Հայաստանի Դեղ արտադրողների և ներմուծողների միությունը (ԴԱՆ Միություն) կնքեցին Համագործակցության հուշագիր։ Համագործակցության հուշագրի կնքումով կողմերը հաստատեցին իրենց պատրաստակամությունը նպաստելու դեղագործության և բժշկության ոլորտներում գործարարության կայուն և շարունակական զարգացմանը, ոլորտների ձեռնարկությունների միջև համագործակցության զարգացմանը, դեղագործության ոլորտի արտադրության որակի բարելավմանը, և, դրան համապատասխան, ոլորտի արտադրանքի սպառման ծավալների մեծացմանը, ինչպես նաև առողջապահության և դեղագործության ոլորտներում գիտական ու հրատարակչական ծրագրերի իրականացմանը և գիտաժողովների կազմակերպմանը, աշխատաշուկայի պահանջների շարունակական ուսումնասիրմանը, դեռահասների և երիտասարդների մասնագիտական կողմնորոշմանը, աշխատաշուկայի պահանջներին համապատասխան ուսումնական ծրագրերի կատարելագործմանը, մասնագիտական կրթության որակի բարձրացմանը։ Հուշագրի կողմերը նախատեսում են նպաստել նաև պետական կառավարման, տեղական ինքնակառավարման մարմինների և արհմիությունների հետ հարաբերություններում նշված ոլորտների գործատուների և աշխատողների շահերի պաշտպանությանը, և նրանց հավաքական դիրքորոշման ներկայացմանը։ Բացի այդ, «Հայկական բժշկական ասոցիացիա»-ն, «Հայկական դեղագործական ասոցիացիա»-ն, «Հայկական հոգեբուժական ասոցիացիա»-ն և ԴԱՆ Միությունը կմասնակցեն նշված Հուշագրի իրականացման աշխատանքներին, կողմերի կազմակերպած հանդիպումներին, քննարկումներին ու միջոցառումներին (թրեյնինգներ, կլոր սեղաններ, սեմինարներ, խորհրդակցություններ), կտրամադրեն համատեղ ծրագրերի վերաբերյալ Հուշագրի իրականացմանն առնչվող անհրաժեշտ տեղեկատվություն:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
