Հայաստանի Ազգային պատկերասրահը տարածքի պակաս ունի 2 դեկտեմբերի 2010 - 14:26 AMT PanARMENIAN.Net - «Հայաստանի Ազգային պատկերասրահի շենքը չի համապատասխանում իր նշանակությանը: Շենքում 4 հաստատություն է գործում` Ազգային պատկերասրահը, Պատմության թանգարանը, Արևելյան արվեստի թանգարանն ու Համերգասրահը: Մինչդեռ Ազգային պատկերասրահին առանձին շենք է պահանջվում»,- դեկտեմբերի 2-ին Երևանում կայացած մամլո ասուլիսում ասաց Հայաստանի Ազգային պատկերասրահի տնօրեն Փարավոն Միրզոյանը: Նրա խոսքով, պատկերասրահի հիմնական խնդիրներից մեկը սրահների պակասն է: «Մենք սրահներ ունենք ժամանակավոր ցուցահանդեսների համար և ունենք հիմնական սրահներ: Նշված խնդրի հետ կապված ստիպված ենք լինում հիմնական սրահներն օգտագործել ժամանակավոր ցուցահանդեսների համար, ինչպես, օրինակ, Վարդգես Սուրենյանցի ցուցահանդեսի դեպքում, որը ցուցադրվում է յոթ սրահներում»,- նշեց Միրզոյանը: Նա ավելացրեց նաև, որ բացի տարածքի պակասից պատկերասրահին պահանջվում է նաև ժամանակակից ամբողջական օդափոխման համակարգ: «Առանձին սրահներ ունեն նման սարքավորումներ, սակայն պահանջվում է ամբողջական համակարգ, որը կայուն ջերմաստիճան և խոնավություն կապահովի»,- ասաց Միրզոյանը` ավելացնելով, որ «այս ուղղությամբ որոշակի նախագծեր կան»: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |