  Ռաուլ դը Լյուցենբերգեր. Հայաստանը պետք է բարելավի գործարար մթնոլորտն ու կենտրոնանա արտահանման վրա 11 դեկտեմբերի 2010 - 16:42 AMT PanARMENIAN.Net - Հայաստանից արտահանման խթանման համար հարկավոր է պարզել, թե որ ձեռնարկությունները կարող են արտահանել իրենց արտադրանքը, և աջակցել նրանց զարգացմանը, ինչպես նաև խթանել միջազգային ընկերությունների մուտքը երկիր, ինչը թույլ կտա ապահովել գիտությունների ու տեխնոլոգիաների փոխանցումը ՀՀ-ին: Նման կարծիք է հայտնել Հայաստանի էկոնոմիկայի նախարար Ներսես Երիցյանը` ելույթ ունենալով «Արտահանման խթանման խնդիրները Հայաստանում» խորհրդարժողովում: «Մեր շուկան փոքր է և միայն ներքին սպառողի համար նախատեսված արտադրությունն ապագա չի կարող ունենալ: Միջազգային շուկաները անսահմանափակ պահանջարկ կարող են ներկայացնել հայ արտադրողներին»,-ասել է նա: Իր հերթին, Հայաստանում ԵՄ պատվիրակության ղեկավար Ռաուլ դը Լյուցենբերգերը ասել է, որ Եվրամիությունը, բացի նրանից, որ ցածր հարկեր է սահմանել հայկական արտադրանքի համար, նպաստում է նաև բարեփոխումների իրականացմանը մաքսային համակարգում, ինչը թույլ կտա պարզեցնել անցակետերով անցնելու կարգը և կրճատել կոռուպցիան: «Մենք կարող ենք ունենալ առևտրի պարզեցված երկկողմ պայմանագիր: ԵՄ-ի տրամադրած GSP+ համակարգը միակողմանի է, իսկ Հայաստանն իր կողմից պետք է նվազեցնի սակագները՝ համապատասխանելու համար ԵՄ չափանիշներին: Երկիրը պետք է լուրջ աշխատանք կատարի համապատասխանելու համար ԵՄ չափանիշներին»,-ասել է նա: Բացի այդ, Լյուցենբերգերը գտնում է, որ Հայաստանը պետք է բարելավի գործարար մթնոլորտն ու կենտրոնանա արտահանման վրա, քանի որ դա է երկրի ապագան:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
