  IFC-ն աջակցում է հայկական բանկերին իրենց ռիսկերի կառավարման գործում  20 դեկտեմբերի 2010 - 17:52 AMTPanARMENIAN.Net - Միջազգային ֆինանսական ընկերակցությունը (IFC) օժանդակում է Հայաստանի բանկային համակարգի զարգացմանը` անցկացնելով վերապատրաստում բանկերի աշխատակիցների համար, որն ուղղված է Բազել II սկզբունքների վրա հիմնված ռիսկերի կառավարման մոտեցումների կիրառմանը: Ինչպես նշվում է IFC երևանյան գրասենյակի մամլո ծառայության հաղորդագրության մեջ, Բազել II-ի ուղեցույցներն օգնում են վերահսկողներին սահմանել բանկերի նվազագույն կապիտալի մեծությունը, որն անհրաժեշտ է տարբեր ֆինանսական և գործառնական ռիսկերից պաշտպանվելու համար: IFC-ի «Հայաստանի բանկային համակարգի զարգացման ծրագրի» կողմից դեկտեմբերի 17 և 18-ին կազմակերպված դասընթացը կնպաստի բանկերի ռիսկերի կառավարման ունակությունների բարելավմանը, այդպիսով ավելացնելով վերջիններիս շահութաբերությունը: «Վերոնշյալ միջազգային ստանդարտները կարող են նպաստել ոչ միայն բանկերի կայունության ապահովմանը, այլև մեղմացնել ամբողջ հայկական ֆինանսական համակարգի ռիսկերը»,- ասաց IFC-ի կովկասյան տարածաշրջանի ղեկավար Թոմաս Լյուբեքը: IFC-ն նաև մշակել և 300 օրինակից թողարկել է ձեռնարկ, որը հայաստանյան բանկերի համար կարող է հանդիսանալ ուղեցույց` հիմնելու սեփական ակտիվների և պասիվների կառավարման համակարգը: Տվյալ ձեռնարկը հնարավորություն կընձեռի բանկերին կատարելագործել իրենց գիտելիքներն իրացվելիության և տոկոսադրույքի ռիսկերի կառավարման բնագավառում: IFC-ի «Հայաստանի բանկային համակարգի զարգացման ծրագիրն» իրականացվում է Ավստրիայի և Նիդեռլադների կառավարությունների հետ համագործակցությամբ:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Ռուբինյան․ Թուրքական կողմից սահմանի բացմանն ուղղված քայլեր չենք տեսել  «Մենք ակնկալում ենք, որ այդ պայմանավորվածությունը կկատարվի»,-ասել է ՌուբինյանըO’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներինՓաշինյանն ու Ֆրանսիայի նախկին վարչապետը խոսել են ՀՀ և Ադրբեջանի միջև խաղաղության պայմանագրից և սահմանազատումից Երևանում մեկնարկում է Ռաֆարենի նախաձեռնած «Խաղաղության շրջիկ համալսարանի» վերապատրաստման դասընթացըԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ |
