Հայաստանում ձվի գինը վերադարձել է նախատոնական մակարդակի10 հունվարի 2011 - 12:33 AMT PanARMENIAN.Net - Սուպերմարկետներում կրկին հայտնվել են ձվեր, որոնց պակասն այդքան զգացվում էր ամանորյա տոների նախաշեմին: Այսօր ձվերն արժեն 1 հատի համար 50-60 դրամ, ընդ որում, Նոր տարուց առաջ դրանց գինը 1 հատի համար բարձրացել էր մինչև 120 դրամ: Սակայն, ինչպես և կարելի էր սպասել, ձվի պահանջարկը մեծ չէ, քանի որ տնային տնտեսությունները խուճապի մեջ գնել են բավական քանակությամբ ձու: Հիշեցնենք, որ ձվերի ամանորյա դեֆիցիտի խնդրի լուծմանը ձեռնամուխ էր եղել էկոնոմիկայի նախարարությունը: Ձեռնարկվել են օպերատից միջոցառումներ ներկրողների և արտադրողների հետ միասին` ուղղված ձվերի մանրածախ շուկայի կայունացմանը: 2010թ. դեկտեմբերին 2009թ. դեկտեմբերի համեմատ Հայաստանում պարենային ապրանքների գինը (ներառյալ ոգելից խմիչք և ծխախոտ) աճել է 14 տոկոսով, իսկ 2010թ. դեկտեմբերին նոյեմբերի համեմատ` 3.7 տոկոսով: Ինչպես հաղորդում է Հայաստանի Ազգային վիճակագրական ծառայությունը, գնաճը հիմնականում ձվի, մրգի, բանջարեղենի և կարտոֆիլի ապրանքախմբերի 8.4-18.8 տոկոս գնաճի արդյունք է: Բացի դրանից, 2010թ. դեկտեմբերին 2009թ. դեկտեմբերի համեմատ ձվի հանրապետական միջին գինն աճել է 25.7 տոկոսով, իսկ 2010թ. նոյեմբերի համեմատ` 8.4 տոկոսով, իսկ մսամթերքի ապրանքախմբում 2010թ. դեկտեմբերին 2009թ. դեկտեմբերի համեմատ գրանցվել է 17.6 տոկոս, իսկ 2010թ. նոյեմբերի համեմատ` 2.4 տոկոս գնաճ: Դրա հետ մեկտեղ 2010թ. դեկտեմբերին 2009թ. դեկտեմբերի համեմատ կաթնամթերք ապրանքախմբում արձանագրվել է 21.1 տոկոս, իսկ 2010թ. նոյեմբերի համեմատ` 2.0 տոկոս գնաճ:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Շոյգու․ ՆԱՏՕ-ն ՀԱՊԿ երկրներ ներխուժում է մշակում Նա հավելել է, որ ՀԱՊԿ երկրների համար անմիջական սպառնալիք է ՆԱՏՕ-ի շարունակական ընդլայնումը Սև ծովից ցիկլոն է գալիս․ Ջերմաստիճանը կնվազի 6-9 աստիճանով Հնարավոր է նաև կարկուտ Լեմկինի ինստիտուտը կոչ է արել ՄԱԿ-ին չեղարկել Ադրբեջանի՝ որպես COP29–ի ընդունող երկիր լինելու որոշումը Հաշվի է առնվել «Լեռնային Ղարաբաղում Ադրբեջանի ցեղասպան քաղաքականությունը» ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի |