  2011-ին Զատիկը նշվելու է ապրիլի 24-ին` Հայոց ցեղասպանության զոհերի հիշատակի օրը  12 հունվարի 2011 - 13:19 AMTPanARMENIAN.Net - 2011-ին Զատիկը, որը նշվում է ողջ քրիստոնեական աշխարհում, և Հայոց ցեղասպանության զոհերի հիշատակի օրը համընկնում են: Ապրիլի 24-ին հայերը կարող են կանգնել ընտրության առաջ` ուր գնալ սկզբից. եկեղեցի պատարագի, թե Հայոց ցեղասպանության զոհերի հուշահամալիր: Ինչպես հայտնել է PanARMENIAN.Net ին Երևանի պետական համալսարանի աստվածաբանության ֆակուլտետի դեկան, Սբ, Գրիգոր Լուսավորիչ եկեղեցու քահանա, եպիսկոպոս Անուշավան Ժամկոչյանը, այդ օրը հայ ժողովուրդն առավոտից պետք է գնա Հայոց ցեղասպանության զոհերի հուշահամալիր, իսկ հետո եկեղեցի` Զատկի պատարագի: «Մենք պետք է հարգենք անմեղ զոհերի հիշատակը, աղոթենք նրանց հոգիների համար, աղոթք հղենք Հարության համար: Որոշակի խորհրդանշական բան կա նրանում, որ այդ երկու օրերը համընկել են. հայ ժողովուրդն իր գոյությամբ իսկ Հարության խորհրդանիշ է: Մենք ապացուցել ենք ողջ աշխարհին, որ կարող ենք հարություն առնել չլսված կոտորածներից հետո և ավելի հզորանալ»,- ասել է եպիսկոպոս Ժամկոչյանը: Միաժամանակ, ՀԱԵ որոշ ներկայացուցիչներ կարծում են, որ քրիստոնյան սկզբից պետք է գնա եկեղեցի Զատկի պատարագի, այնուհետև` Ծիծեռնակաբերդ: Այս մոտեցման կողմնակիցները մեջբերում են Հիսուս Քրիստոսի խոսքերը. «Թող հանգուցյալները թաղեն իրենց հանգուցյալներին, իսկ ինքներդ հետևեք ինձ»: «Մայր Աթոռ Սբ Էջմիածինը արարողակարգ կմշակի երկրի ղեկավարության համար, որում ասվելու է, թե ուր և երբ պետք է գնալ»,- հաղորդել է Մայր Աթոռի մամլո ծառայության ղեկավար քահանա Վահրամ Մելիքյանը և հավելել, որ նման համընկնում առաջին անգամը չէ տեղի ունենում: Զատիկը (Քրիստոսի Հարություն) նշանակությամբ երկրորդ եկեղեցական տոնն է և նշվում է լիալուսնից հետո հաջորդ կիրակի օրը, որը լինում է գարնանային գիշարահավասարից հետո` մարտի 21-ից ապրիլի 26-ն ընկած ժամանակահատվածում:
  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
