Վրաստանում կրկին երկրաշարժ է տեղի ունեցել

PanARMENIAN.Net - Հունվարի 23-ի առավորտյան Վրաստանի Արևմուտքում` Սաիրմե հանգստավայրից 5կմ հեռավարության վրա, արձանագրվել են 4,4 բալ մագնիտուդով վերգետնյա ցնցումներ, հաղորդում է Գրուզիա Online-ը: Զոհերի և ավերվածությունների մասին տեղեկատվություն չկա: Հունվարի 19-ին նույն շրջանում տեղի է ունեցել 5,8 բալանոց երկրաշարժ, որը զգացվել է նաև Հայաստանում: Սեյսմոլոգների կարծիքով, նոր ցնցումները վկայում են այդ շրջանում երկրի կեղևի լարվածության մարման մասին: