 Ֆիննական ընկերությունը մտադիր է Հայաստանում հիմնել կոմբայնների հավաքման արտադրամաս 15 մարտի 2011 - 18:48 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց ֆիննական «Սամպո Ռոզենլեւ» ընկերության պատվիրակությանը: Ընկերությունը նախատեսում է Հայաստանում հիմնել հացահատիկահավաք կոմբայնների հավաքման արտադրամաս: Այդ մտադրության մասին ընկերության ներկայացուցիչները հայտնել էին դեռ հունվարին փոխվարչապետի հետ ունեցած հանդիպման ժամանակ: Հյուրերն Ա. Գեւորգյանին ներկայացրին նախագծի ընթացքը` նշելով, որ արդեն գործնական քայլեր են իրականացվել այդ ուղղությամբ: Ընկերությունը համագործակցում է տեղական «Նաիրի բերրիություն՚»ՍՊԸ-ի հետ, եւ արդեն ամռանը նախատեսում է ունենալ առաջին կոմբայնները: Փոխվարչապետը գոհունակություն հայտնեց, որ նրանց մտադրություններն արդեն գործնական ընթացք են ստանում: Նա նշեց, որ ՀՀ կառավարությունն առաջիկա տարիներին հետեւողական ուշադրություն է դարձնելու գյուղատնտեսության զարգացմանը, եւ այդ համատեքստում գյուղտեխնիկայի ներքին պահանջարկը բավարարելու խնդիրը նույնպես կարեւոր նշանակություն ունի: Հյուրերը տեղեկացրին, որ բացի տեղական շուկայի պահանջարկը բավարարելուց, դիտարկվում են նաեւ արտահանելու հնարավորությունները: Ֆիննական ընկերությունը նախատեսում է նաեւ տեղական բարձրագույն մասնագիտական ուսումնական հաստատությունների հետ համագործակցաբար իրականացնել վերապատրաստման դասընթացներ գյուղտեխնիկան օգտագործողների համար: Փոխվարչապետը ողջունեց այդ մտադրությունը եւ աջակցության պատրաստակամություն հայտնեց, հայտնում է նախարարության հասարակայնության հետ կապերի բաժինը:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
