Ընդդիմությունը հարգանքի տուրք է մատուցել Հայոց ցեղասպանության զոհերի հիշատակին 24 ապրիլի 2011 - 17:20 AMT PanARMENIAN.Net - Հայ ազգային կոնգրեսը (ՀԱԿ)` իր առաջնորդ, Հայաստանի առաջին նախագահ Լևոն Տեր-Պետրոսյանի գլխավորությամբ այցելել է Հայոց ցեղասպանության զոհերի հուշահամալիր: ՀԱԿ-ի անդամները ծաղիկներ են դրել Անմար կրակի մոտ: Ինչպես հայտնել է ՀԱԿ-ի համակարգող Լևոն Զուրաբյանը, Հայոց ցեղասպանության միջազգային ճանաչման գործընթացում ամենագլխավոր հարցն այդ փաստի ճանաչումն է բուն Թուրքիայի կողմից: «Քանի դեռ Թուրքիան չի ճանաչել և չի հատուցել այդ հանցագործության համար, նա չի կարող իր խիղճը մաքուր համարել»,- ասել է Զուրաբյանը: Նրա խոսքով, Թուրքիայի կողմից Հայոց ցեղասպանության ճանաչման գործընթացը սրընթաց կերպով արագանում է, քանի որ գնալով ավելի շատ ուսանողներ և մտավորականության ներկայացուցիչներ են ճանաչում այդ փաստը: Անդրադառնալով այն բանին, որ Հայոց ցեղասպանության զոհերի հիշատակի օրը համընկել է Զատկի տոնի հետ, Լևոն Զուրաբյանը նշել է, որ դրանում կենսահաստատման խորհուրդ կա. «Հիշելով այդ ողբերգության մասին` մենք պետք է մտածենք Հայաստանի ապագայի և նրա կայացման մասին»: Մեկնաբանելով Կարսում հայ-թուրքական բարեկամության հուշարձանի ապամոնտաժումը` Զուրաբյանը հայտնել է, որ դրանք ժամանակավոր քաղաքական գործընթացներ են, և վաղ, թե ուշ Թուրքիան ճանաչելու է Հայոց ցեղասպանությունը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Նախարար․ 13 տարեկանն ենք համարելու երիտասարդության շեմ «Երիտասարդական քաղաքականության մասին» օրենքի նախագիծ է մշակվել Փոխնախարար․ Չաբահար նավահանգստի նախագծին միանալու հարցում ՀՀ-ն գործնական փուլում է «Վերջանական որոշումները մի քանի ամսվա ընթացքում կկայացվեն»,–ասել է նա ԱՆ․ Աղետի գոտում խմելու ջրի մեջ ախտածին որևէ մանրէ չի հայտնաբերվել Հեղեղումից մինչ օրս խմելու ջրից 280 նմուշառում է կատարել Գալուզին․ ՀՀ–ն սկսել է խուսափել Ռուսաստանի հետ շփումներից ԱԳՆ–ի և ՊՆ-ի գծով Նա նշել է, որ 2023–ի նոյեմբերից ԱԳ նախարարների հանդիպում չի եղել |