Հայաստանի ոստիկանության պետը բացառել է իր աշխատանքային բառապաշարից «ներել» բառը

PanARMENIAN.Net - Ցանկացած ոճրագործություն, ոչ թե միայն մեծ հասարակական արձագանք ստացածները, պատժվելու է, լրագրողների հետ զրույցում հավաստիացրել է ոստիկանության պետ Ալիկ Սարգսյանը: «Մենք պատրաստ ենք պատժել բոլորին, սակայն այս պահին ես դա չեմ ուզում վերագրել ՀՀ ոստիկանության Գլխավոր քրեական վարչության պետ, գեներալ-մայոր Հովհաննես Թամամյանին, քանի որ քննությունը դեռևս շարունակվում է և դա հնարավոր կլինի քննարկել քննության ավարտից հետո»,-ասել է նա:

Ըստ նրա, մեղադրանքը միշտ պետք է հիմնավորված լինի, դատարանը պետք է որոշում կայացնի, որից հետո ոստիկանապետը խոտացավ վերադառնալ այդ հարցին: «Ինչ վերաբերում է հասարակական հնչեղություն ստացած երևույթներին, ապա բոլոր նման դեպքերը իրենց արժանի պատիժը կստանան: Ես արդեն բացառել եմ «ներել» բառը իմ գործունեությունից, նկատի ունեմ համակարգը: Քանի որ, որքան շատ ես հանդուրժում, այնքան ռիսկերն ավելանում են և մարդիկ թույլ են տալիս իրենց ոտնձգություններ կատարել: Այսօր ժամանակները փոխվել են և ներել չի կարելի»,-ասել է նա:

Ապրիլի 11-ին ԱԱԾ աշխատակիցները բերման են ենթարկել ոմն անձի «Երևան-Կենտրոն» քրեակատարողական հաստատություն: Հատուկ քննչական ծառայությունը երեկ դիմել է ընդհանուր իրավասության վարչական դատարան՝ Գլխավոր քննչական վարչության հատուկ կարևորության գործերի քննիչ, մայոր Վահան Խանզադյանի հանդեպ որպես խափանման միջոց երեք ամիս կալանավորում ընտրելու միջնորդությամբ:

Խանզադյանը որպես վկա է անցնում ոստիկանության քրեական հետախուզության գլխավոր վարչության նախկին ղեկավար, գեներալ-մայոր Հովհաննես Թամամյանի գործով:

Որոշ տվյալներով Թամամյանը 150 հազար դոլար կաշառք է ստացել՝ քննությունը կեղծ ճանապարհով ուղղորդելու համար: